Forca tërheqëse midis masave (e rëndesës) e cila vepron kudo në Gjithësi.

Sipas botëkuptimit më të ri fizik gravitacioni shihet më tepër si veçori gjeometrike e hapësirës. Sipas Teorisë së Përgjithshme të Relativitetit të Einstein'it, gravitacioni shtrembëron si hapësirën ashtu edhe kohën. Kjo teori parashikon se forca e rëndesës ngadalëson kohën. Kështu gravitacioni është një mënyrë për të udhëtuar për në të ardhmen. Orërat rrahin pak më shpejtë në trapazan sesa në qilar, i cili është pranë qendrës së Tokës duke qenë kështu i futur më thellë brenda fushës së rëndesës. Në mënyrë të ngjashme, orërat rrahin më shpejtë në hapësirë sesa në tokë. Kemi të bëjmë me efekte tepër të vogla, por të cilat kanë qenë të mundura të maten me orëra të përsosura.

1 miliard të një miliardit të një miliardit të një milimetri: kjo është madhësia e shkallës së Planck'ut. Në distanca kaq të vogla, gjendet "madhësia natyrale" në Gjithësi, në të cilën forcat kuantike dhe gravitacioni takohen.

Gravitacioni ndikon mbi dritën.

Medohet se Gropat e Zeza Tepërmasive me forcën e tyre tepër të madhe gravitacionale kanë bërë gazin që gjendej në fillim e Gjithësisë të ngjeshet brenda vetes. Pastaj duke e vërtitur këtë gaz përqark vetes mund të kenë krijuar yjet, planetet dhe vetë jetën.

Mendohet gjithashtu se mos ndoshta ka Gjithësi të tjera paralele me tonën që mund të duken ndryshe nga e jona, ku p.sh. graviteti do të jetë kaq i dobët saqë gazrat e kohëve zanafillëse nuk kanë arritur të denden për të krijuar galaksitë apo yjet.

Shih: