Banor i hershëm i Amerikës; i quajtur kështu pasi njëherë e një kohë mendohej se Amerika ishte India.

Prania e indianëve e vuri kishën e periudhës së Rilindjes përballë një vështirësie në shpjegim; Nga kishin dalur banorët e Amerikës ? Ata nuk përmenden në Bibël.

Njerëzit e letrave bëjnë gara me njëri-tjetrin duke dalur me teori gjithnjë e më të pashoqe. Ata i pandehin indianët të jenë njëri prej dhjetë fiseve të humbura të Izraelit.

Megjithatë shumë vetë besojnë që indianët e Amerikës janë pasardhës të popullit të zhdukur të atlantëve.

Këngët dhe kërcimet e indianëve Pueblo në New Mexico përcillen nga brezi në brez. Në këto rrëfime ndoshta është ruajtur koha e kolonizimit të parë. Ato kallxojnë mbi një shtegëtim tepër të largët dhe mbi një vërshim uji të dërguar si dënim. Sipas gojëdhënës mbetën gjallë vetëm disa njerëz të përzgjedhur. Kur masat e ujit u tërhoqën, njerëzit filluan të kolonizonin vendin.

Tre shtigjet për në Botën e Re. Me blu është treguar shtegu më i hershëm përgjatë bregdetit. Ai me të bardhë është e rrugës së Beringut ndërsa me vija të ndërprera është treguar shtegu përmes Atlantikut të Veriut

Sot për sot shqyrtohen tre shtigje të mundshme të kolonizimit të Amerikës. Amerikanët e parë vijnë si banorë bregdeti me varka nga Azia e Veriut dhe depërtojnë përgjatë Bregdetit Perëndimor për në Jug. Pas tyre vijnë gjuetarët e egër të kohës së akullnajave, grupi Clovis, përgjatë rrugës tokësore të Beringut për në Alaskë duke depërtuar përgjatë një korridori të çliruar nga akulli për në brendësi të vendit. Këta janë stërgjyshërit e indianëve të sotëm. Ndërsa sipas një teorie krejt spekulative, ishin europianët ata që përmes një udhëtimi aventuresk përmes Atlantikut të Veriut shkelën të parët në Amerikë.

Shih:

Enciklopedi shqip e Rruzull.net

Copyright © by Rruzull.net. Të gjitha të drejtat të rezervuara © nga Rruzull.net - (399 herë lexuar)