Krimbvrima është një lloj tuneli që lidh dy Gropa të Zeza me njëra-tjetrën.

Një krimbvrimë mund të ishte urë për në Gjithësi të tjera por edhe shkurtim udhe përbrenda vetë Gjithësisë sonë. Ashtu si një tunel që kalon nën një kodër mund të jetë më i shkurtër se rruga mbi sipërfaqen e saj, një krimbvrimë mund të jetë më e shkurtër se itinerari i zakonshëm përmes hapësirës së zakonshme.

Ndoshta krimbvrima do të na çonte midis kohëve të ndryshme. Krimbvrimat pajtohen me Teorinë e Përgjithshme të Relativitetit. Teorikisht, një krimbvrimë është e ndërtueshme.

Që krimbvrima të jetë e kalueshme duhet të përmbajë atë është emërtuar lëndë e huaj (exotic matter). Në fakt, kjo është diçka që do të prodhonte kundërgravitacion për të luftuar prirjen natyrale të një sistemi masiv për t'u shembur përbrenda duke u kthyer në një gropë të zezë nën peshën e saj të tejskajshme. Kundërgravitacioni, ose ndryshe sprapsja gravitacionale, mund të prodhohet nga energjia negative ose shtypja. Gjendjet e energjisë negative njihet të ekzistojnë në njëfarë sistemesh kuantike, çfarë sugjeron se lënda e huaj nuk përjashtohet nga ligjet e fizikës, ndonëse është e paqartë nëse mund të arrihet të mblidhet një sasi e mjaftueshme lëndë kundërgravitacionale për të bërë një krimbvrimë të qëndrueshme.

Për të përshtatur një krimbvrimë për udhëtim në kohë, njëra prej gojave të saj mund të rimorkiohet pas një ylli neutron dhe të vendoset pranë sipërfaqes së tij. Forca tërheqëse e këtij ylli do të ngadalësonte kohën pranë gojës së krimbvrimës, në atë mënyrë që të mblidhet dalëngadalë një ndryshim kohor midis fundeve të krimbvrimës. Pastaj, nëse të dy gojat do të liheshin në një vend të përshtatshëm në hapësirë, ky ndryshim kohor do të mbeste i ngrirë.

Ka mundësi që hapësira kozmike të ketë një natyrë të tillë që të jetë e depërtuar nga krimbvrima të mbetura që nga Bumi i Madh (Big Bang). Apo, krimbvrimat mund të krijohen në mënyrë të natyrshme në shkallë të imëta, të ashtuquajtura gjatësi të Planck'ut, rreth 10 në faktor të 20 të një bërthame atomike. Në parim, një krimbvrimë kaq e imët mund të stabilizohet nga një puls energjie dhe pastaj në ndonjë mënyrë të fryhet në përmasat që do të na nevojiteshin.

Krimbvrima u përdor si një mjet trillues nga Carl Sagan në novelën e tij Contact të vitit 1985.
Në trillimet shkencore, krimbvrimat quhen ndonjëherë ylldyer (stargate).

Shih :

Enciklopedi shqip e Rruzull.net

Copyright © by Rruzull.net. Të gjitha të drejtat të rezervuara © nga Rruzull.net - (746 herë lexuar)