Element përbërës i kromozomeve të bërthamës qelizore, që është përçues i tipareve të trashëgueshme në organizimin pasardhës.

Përshtatja që i bëjnë organizmat kushteve të mjedisit përcaktohet nga gjenet. Janë vetëm pak ato gjene që drejtojnë të tërë rrjedhën, duke qenë përgjegjëse për zhvillimin e trajtës së jashtme.
Të gjithë organizmat në gjenet e tyre bartin të dhëna mbi historinë e tyre evolucionare -- një grupazh të veçantë ndryshimesh të përvetësuara gjenetike të përcjellura përmes brezash të panumërt.

Trupi i njeriut përmban rreth 30 000 gjene.

Bota jonë është plot e përplot me shumëllojshmëri. Ka burra dhe gra. Ka njerëz të gjatë dhe njerëz të shkurtër si dhe plot njerëz me gjatësi mesatare. Ka njerëz të trashë dhe të hollë, njerëz me sy të kaltër dhe njerëz me sy kafe; njerëz me lëkurë të zezë, njerëz me lëkurë të bardhë dhe njerëz me ndonjë ngjyrë lëkure midis këtyre të dyjave. Ka njerëz me flokë të zinj, flokë kafe, flokë të verdhë apo flokë të bardhë.

Ti ndan disa tipare me njerëzit e tjerë. Për shembull, ka plot njerëz me sy kafe. Tek prindërit e tu, apo vëllezërit dhe motrat, mund të shohësh se ke shumë më tepër tipare të përbashkëta me to se me shokët me të cilët nuk ke lidhje farefisnore.

Shumë kohë përpara se dikush sajoi termin 'gjen' dhe 'DNA', dihej mirë se karakteristikat fizike mund të përcilleshin nga prindëri tek fëmija. Çdo gjë që lind prej pllenimit të një veze apo fare është kombinim 50/50 të gjeneve të të dy prindërve, të cilët nga ana e tyre ishin një kombinim 50/50 të prindërve të tyre. Kështu gjenetikisht secili prej nesh është një përzierje individuale e pashoqe e të gjithë stërgjyshërve tanë (me përjashtim të binjakëve të tëpkë të cilët trashëgojnë krejtësisht të njëjtat gjene.)

Çdo qelizë e trupit tonë përmban një numër të barabartë gjenesh (ato mijëra njësi të imëta të trashëgimisë të përcjellura në çdo vezë dhe spermë) nga secili prind. Këto duhet të përmbajnë të gjitha të dhënat biologjike për të cilat kanë nevojë trupat tanë që nga çasti i mbetjes shtatzënë të nënës deri në ditën që vdesim, të koduara në një lëndë të veçantë të quajtur DNA.

Nëse ndonjë gjen mungon apo nuk funksionon si ç'duhet, atëherë as trupat tanë nuk punojnë si duhet. Pothuajse çdo fortësi apo dobësi brenda nesh - që nga aftësia për vrapuar shpejt deri tek miopia - është e kushtëzuar të paktën pjesërisht nga gjenet tona.

Studimet e fundit sugjerojnë se ndryshime në më pak se 1% të gjeneve tona janë përgjegjëse për procesin e mplakjes.

Gratë tërhiqen instinktivisht pas formash trupore që tregojnë gjene të mira. Kështu që gruaja do të parapëlqente më tepër një burrë me shpatulla të gjera dhe bel të hollë - një shenjë e sigurtë e si forcës fizike ashtu edhe e një sistemi të mirë imunitar.
Ato që janë në periudhën e vezëçlirimit parapëlqejnë më tepër fytyrat tipike mashkullore. Qafë të trasha, nofulla dhe mjekra të gjera - treguesi tipikë të fuqisë dhe shëndeti - të gjitha këto, cilësi të dëshirueshme gjenetike.

Shih: