Papė
Patriark i Romës dhe kreu më i lartë shpirtëror i Kishës Katolike.
Me 16 korrik 1054 patriarku i Konstandinopojes dhe i derguari i papës, kardinali Humbert de Silva, ekskomunikuan dhe fajësuan njëri-tejtrin për herezi. Më parë kishte patur disa konflikte teologjike ndermjet Romës dhe Konstandinopojës, si psh për kuptimin e ikonave dhe autoritetin e papës dhe të konsileve, për celibatin dhe zanafillën e shpirtit të shenjtë.
Ndarja e vitit 1054 identifikohet si rregull me ndarjen e kishës në katolike romane dhe në kristianizëm ortodoks. Por po ta shohësh mirë kjo ishte vetëm një etapë brenda konflikteve të gjata ndermjet Romës dhe Konstantinopjës lidhur me rolin drejtues ideor dhe politiko-kishtar në zonën e Mesdheut.
Në vitin 1204 Konstantinopoja metropoli konkurrent i Romës u pushtua nga ushtria e kryqëzatës së katërt dhe u plaçkit për katër ditë pa mëshirë. Mijëra të pafajshëm gjeten vdekjen.
Gjestit të papa Gjon Palit të dytë që kërkoi falje për sjelljen e hordhive kryqetare patriarku Bartolomeu i parë iu përgjigj në prill të vitit 2004 me fjalët "Ne nuk mund ta harrojmë atë ditë tragjike, por ne falim".
Konfliktet teologjike luajnë ketu një rol dytësor në pengimin e bashkimit të kishave. Më teper është fjala për një temë qëndrore të politikës kishtare. Postin e papës. Sepse kompetencat e peshkopit të Romës nuk janë të pranueshme për ortodoksinë.
Papa Gjon Pali i dytë në enciklikën "Ut unum sint" bëri një herë thirrje për një diskutim për postin e tij, por deri tani ka mbetur pa rezultate konkrete.
Gjëja e parë që të habit nga periudha e Skënderbeut është rizbulimi i katolicizmit si faktor bashkimi për një popull të përçarë kurrë vërtet të bashkuar ndonjëherë. Një faktor që s'mund të hidhet poshtë nëse do të donim të përligjnim plotësisht aftësitë qëndruese që karakterizojnë arbrit e kësaj periudhe. Aftësi që mbështeteshin në bashkimin. Në disa kohëra ndërhyrja e Papës do të jetë vendimtare për ruajtjen e këtij bashkimi.
[ Kthehu mbrapa ]
Enciklopedi shqip e Rruzull.net Copyright © by Rruzull.net. Tė gjitha tė drejtat tė rezervuara © nga Rruzull.net - (70 herė lexuar) | 
