Kafshë rrezesimetrike që kanë trupa si qeskë me vetëm një të hapur dhe mekëmbënofuj me strukturë thumbuese; grup që përfshin koralet, fillikatet e detit, pendat e detit dhe kandilët e detit: kolenterat, klenterat, koelenterat.

Të gjithë këto kafshë, me ndonjë përjashtim të vogël, kanë nerva dhe muskuj.
Meqënëse knidarianët janë kafshët më të thjeshta që zotërojnë këtë kompleksitet atëherë ka shumë të ngjarë që stërgjyshërit e tyre të drejtpërdrejtë duhet të kenë qenë kafshët e para ndonjëherë që kanë lidhur fuqinë e nervave dhe muskujve së bashku, duke i lejuar ata të lëviznin dhe të shfaqnin një mënyrë të sjelluri që të biente ndër sy.

Knidarianët janë kafshët e para me një trup të vërtetë me një formë dhe kallëp të përcaktuar. Pjesa më e madhe e tyre përmbajnë këmbënofuj me qeliza thumbuese të përdorura për të kapur prehun. Thumbimi i knidarianëve vjen nga fuzhnja të imëta, shpesh helmuese të quajtura nematoçiste. Të shkrehura nga prekja apo disa lloj kimikalesh, nematoçistet shtiejnë qelizat thumbuese si vetëtimë.

Shih: Formimi i jetës: I pari që lëvizi

Enciklopedi shqip e Rruzull.net

Copyright © by Rruzull.net. Të gjitha të drejtat të rezervuara © nga Rruzull.net - (209 herë lexuar)