Rruzull.net - Enciklopedi

Gjitar primat dykëmbësh i afërm nga ana anatomike me majmunët e mëdhenj por që dallohet prej tyre nga një tru shumë më të zhvilluar, me aftësi për të folur dhe menduar dhe që mban trupin drejtë duke i pasur duart të lira për t'i përdorur si mjete manipulative; qenie njerëzore.

Njerëzit nuk janë të vetmit që bëjnë plane. Edhe bonobotë dhe orangutangët bëjnë plane për të ardhmen. Majmunët antropomorfë dhe njeriu mendohet ta kenë trashëguar këtë sjellje nga një stërgjysh para 14 milionë vjetësh.

Ka një lidhje më të qartë që hallkëzon qeniet e gjalla me njëra-tjetrën. Kafshët nga më të ndryshmet, bota e madhe e bimëve dhe vetë bakteriet shfaqin një shenjë dalluese të prejardhjes së tyre të përbashkët në DNA, molekulën e trashëgimisë. Pavarësisht nga qenia e gjallë, në të cilën ndodhet DNA, ajo është e përbërë gjithnjë nga katër elementë ndërtimi. Nën sundimin e kushteve të mjedisit morën trajtë forma jete të cilat munden të mbijetojnë në një qoshe të ngrohtë të Tokës sonë. Së fundi, edhe njeriu është prodhim i këtij evolucioni.

Sipas krijimistëve, në vend të një zhvillimi disa miliona vjeçar, njeriu u krijua brenda një dite të vetme.
Majatë besonin se njerëzit ishin mbrujtur nga argjila.

Gjuha është një nga vetitë dalluese të njeriut, e cila lidhet edhe me vet ekzistencën e tij. Shfaqja e dukurisë ‘gjuhë’ duket se përkon me vet shfaqjen e qenies njerëzore (homo sapiens sapiens). Njeriu lind me vetinë natyrore për të mësuar gjuhën.
Truri i njeriut vepron vet si ndarës por dhe si bashkues ose krahasues i kuptimeve midis gjuhëve të ndryshme, sipas rrethanave.

Sjellja
Çdo aspekt i një qenie njerëzore është një kombinim i natyrës (gjeneve) dhe rritjes (mjedisit - dietës, ekspozimit ndaj kimikateve apo infeksioneve, bile edhe përkujdesjes emocionale). Këto faktorë të kushtëzuar nga mjedisi mund të shkaktojnë luhatje mjaft të mëdha ndër njerëzit që kanë lidhje farefisnore.

Njeriu krijon një mendim mbi dikë, që përpara se të këmbehen fjalët e para. Përshtypja e parë është vendimtare. Një paraqitje e vetësigurtë është ligj i artë për ata persona që duan të duken si njerëz të këndshëm.

Njeriu është bërë kërcënyes për natyrën dhe kafshët me veprimet e tij.

Trupi
Njerëzit sot trashëgojnë aftësinë për të ruajtur kaloritë edhe në se ato nuk u nevojiten. Kur njerëzit jetojnë në një vend ku ushqimi është i pamjaftueshëm, mbijetues të evolucionit do të jenë ata që janë të aftë për grumbullimin dhe konsumimin e ushqimeve e të kalorive dhe depozitimin apo ruajtjen e tyre nga frika se javën tjetër nuk do të jenë në gjendje të sigurojnë ushqim.
Për marrjen e ushqimit njeriu kontrollohet apo nxitet nga sinjalet e trurit dhe vetëm në disa raste, marrja e ushqimit kontrollohet nga dëshira e personit.

Njeriut, ashtu si shumë gjitarëve të tjerë, i dalin dy rende dhëmbësh. Dhëmbët e parë, ato të qumështit, i përshtaten gojës së fëmijës së vogël. Ndoshta janë quajtur dhëmbë të qumështit pasi dalin kur fëmija ushqehet me qumështin e gjirit, dhe pasi ato janë më të bardhë nga rendi pasues i dhëmbëve. Dhëmbët e qumështit quhen edhe dhëmbë paraprakë, në ndryshim nga dhëmbët e pjekjes që quhen dhëmbë të përhershëm.

Gjithsej fëmijëve u dalin 20 dhëmbë qumështi, dhjetë në nofullën e sipërme dhe dhjetë në të poshtmen.

Marrë nga Medicinenet

Gjëndra tiroidale, që ndryshe quhet edhe tyreoidea ndodhet në pjesën e përparme të qafës menjëherë nën gurmaz. Detyra kryesore e kësaj gjëndre është ngarja e metabolizmit në trup. Ngarja ngjet përmes hormonesh që krijohen në gjëndrën tiroidale dhe që quhen tiroksinë, T4 dhe trijodtironinë, T3.

Funksioni i gjëndrës tiroidale ngahet nga ana e tij nga hormoni TSH, hormon tiroidostimulues, që krijohet në gjëndrën e hipofizës.

Që të ketë balancë në trup duhet që hormonet të prodhohen me masë.

Vetëm kur është errësirë e plotë, trupi i njeriut mund të prodhojë hormonin e quajtur melatoninë. Melatonina lufton sëmundje, midis të cilave edhe kancerin.

Seksi
Herdhet e njeriut janë më të mëdha se të gorillave por më të vogla se të shimpanzeve. Një gorillë ka një harem femrash që i përkushtohen atij dhe vetëm tij. Kështu atij nuk i nevojitet të ketë të gatshme një sasi të madhe spermash. Mirëpo shimpanzetë femra nuk janë aspak besnike, kështu që meshkujt e derdhin farën sa më shpesh të jetë e mundur në sa më tepër femra të jetë e mundur, për t'u dhënë spermave të tyre gjasat më të mira për të krijuar një fëmijë. Prandaj herdhet e shimpanzesë janë të stërmëdha krahasuar me ato të gorillës. Femrat e njeriut nuk janë shumë të shthurura, po ato nuk janë as krejt besnike. Kjo shpjegon përse madhësia e herdheve të mashkullit të njeriut është aty diku midis atyre të gorillave dhe shimpanzeve.

Akti seksual arrin kulmin në orgazmën. Për njeriun nuk ka ndonjë përjetim më të fuqishëm dhe të thellë. Kjo e ashtuquajtur "pikë kulmore" shprehet midis të tjerash në tkurrje muskujsh dhe në dridhma, të cilat mund të kapin tërë trupin. Pas kësaj vjen një shtendosje e plotë.

Ndjenjat e kënaqësisë, që përjetojmë gjatë orgazmës, prodhohen nga organet tona seksuale, muskulatura e të cilave tkurret në mënyrë ritmike. Mashkulli arrin si rregull tek derdhja e farës. Sperma çan përpara përmes uretrit me 20 kilometra në orë. Nëse edhe partnerja arrin në të njëjtin çast në orgazmë atëherë gjasa për të mbërritur në mbarsje është tepër e madhe; Pasi në këtë rast amëgoja pompon lëngun e farës me lëvizje ritmike thithëse për në an.

Por meshkujt dhe femrat nuk arrijnë gjithnjë orgazmën njëkohësisht, gjë që mund të çojë në prishje qejfi; meshkujt vijnë në pikën kulmore mbas mesatarisht 7 minutash, femrat jo më përpara se 23 minutash. Femrat e përjetojnë fazën e orgazmës edhe më intensivisht se meshkujt. Kjo fazë mund të zgjasë tek to deri në një minutë - tek mashkulli vetëm disa çaste. Femrat munden në kundërshti me atë që ndodh me pjesën më të madhe të meshkujve, edhe të vijnë disa herë pas njëra-tjetrës në pikën kulmore.

Trupi, më parë i grahur të punojë me rendiment të lartë, ka nevojë të marrë vehten. Gjaku duhet të rishpërndahet sërish, pulsi dhe vlerat e trysnisë së gjakut ulen në nivele normale. Penisi shkrehet, dhe buzët e vaginës vijnë në madhësinë e tyre normale. Po ashtu ani çënjtet dhe zhvendoset për në vendin e tij të zakonshëm.

Edhe këtu ka pjesë truri: Ai derdh hormonin "kënaqësivrasës" prolaktinë. Meshkujt janë më të ndjeshëm ndaj tij se femrat. Organi i tyre seksual nuk është i ndikueshëm për një kohë të gjatë. Ndonjëherë mashkulli thjesht flë pas aktit seksual. Por të rinjve dhe të sapodashuruarve u mjafton një fazë e shkurtër marrje vete - kështu ata mund të fillojnë sërish.

E ardhmja
Kevin Warwick që është profesor i kibernetikës dhe hulumtues robotësh mendon se rreth viteve 2025-2035 robotët e ndërtuar nga njeriu do të jenë më inteligjentë se ai dhe do t'i bëjnë vetes pyetjen: pse t'i bindemi njeriut, kur e dimë vetë më mirë. Njerëzit do të jenë vetëm një nënlloj në një botë të mbizotëruar nga robotët. E vetmja rrugëdalje për ta është të bëhen kiborgë, gjysmë njerëz, gjysmë makina, në mënyrë që të jenë në gjendje të arrijnë të ngrihen në nivel.
Mirëpo epërsia e robotëve do të ketë në të ardhmen kufizimet e saj të natyrshme, si për shembull rasti kur energjia nga akumulatori do të jetë thjeshtë zbrazur.

Shih: