Njeriu: Tingulli përmirëson shikimin
Data e botimit: Wednesday, 25 October 2000
Lėnda: Shqisa
|
 Për të përceptuar sende apo ngjarje të botës që na rrethon njeriu vën në punë shqisa të ndryshme.
Shkencëtarët kanë gjetur dëshmi mbi atë që shqisat e parjes dhe dëgjimit janë të lidhura në mënyrë të pandashme me njëra tjetrën.
Neurologët e Universitetit të San Diegos në California, kanë zbuluar se kur tingulli i një sendi të tërheq vëmendjen atëherë të shtohet edhe aftësia për ta shquar këtë send. Me fjalë tjera mund të thuhej se nëse një send apo ngjarje lëshon një tingull apo zhurmë që përpara atëherë ne do të ishim në gjendje ta shikonim atë më qartë.
Studiuesit eksperimentuan me 33 vullnetarë duke dërguar dritë dhe zhurmë në fillim nga i njëjti drejtim e pastaj nga drejtime të ndryshme.
Ky zbulim mund të hedhë dritë mbi se si truri e vlerëson ambjentin që na rrethon dhe mund të sjellë deri në zbulimin e llojeve të reja kurimi për shqetësimet nervore.
Zbulimi mund të ishte me rëndësi edhe për përmirësimin apo ndërtimin e pajisjeve në të cilat vëmendja e njerëzve është në qendër.
Përgatiti Alvin Ekmekçiu - Mbështetur në materialin e revistës Nature
Vë re! Respekto punën tonë ! Mos përdor shkrimet e kësaj reviste pa lejen tonë dhe pa vënë në dukje se puna e kujt është !
|
|
| |
| Vlerėso shkrimin | Nota mesatare: 4.35
Votues: 20
| |
|
