Gjatë hetimit, 274 të pyeturve iu dha mundësia të zgjidhnin midis dy horoskopesh - njëri bazuar në të dhënat e tyre personale, ndërsa tjetri në të dhënat e dikujt tjetër me moshë dhe gjini të njëjtë me të. Horoskopet ishin përgatitur nga 26 astrologë profesionistë. 64 përqind të pjesëmarrësve e njohën horoskopin e përgatitur për to - në rastet e marrjes copë fare me mend vetëm 50 përqind e pjesëmarrësve duhet të ia qëllonin në të.

"Jam i befasuar", thotë drejtuesi i studimit sociologu Edgar Wunder i Shoqërisë për Anomalistikë me seli në Sandhausen (Zandhauzen) të Heidelberg'ut (Haidelbergut) të Gjermanisë. Sidoqoftë rezultatet e hetimit janë paraprake prandaj duhen parë me kujdes të madh, thekson Wunder. "Ato nuk përbëjnë akoma ndonjë provë që tregon se Astrologjia jep me të vërtetë parashikime të vlefshme", thotë ai. Wunder është vetë kritik ndaj Astrologjisë. Për më tepër nuk janë shqyrtuar akoma të dhënat e të gjithë pjesëmarrësve.

Në një ekzaminim tjetër, astrologët duhet të zgjidhnin midis dy datëlindjesh datën e vërtetë të lindjes së pjesëmarrësve. Rezultatet e kësaj prove deri tani tregojnë se astrologët ia kanë qëlluar në të vetëm në rreth 50 përqind të rasteve, pra nuk mund të flitet për gjë tjetër veç se thjeshtë hamendje.