 Nëse si fillestar filloni të merreni me ndonjë prej aktiviteteve qe keni zgjedhur vet sipas aftësive tuaja fizike dhe moshës duhet të vazhdoni më së paku gjashtë javë me ato aktivitete, pastaj mund të kaloni në një disiplinë tjetër me intensitet më të shpejtë. Nëse keni filluar me vrapim me intensitet të vogël nuk duhet të kaloni në ndonjë disiplinë tjetër se mund të vijë deri te dëmtimi i muskulaturës, dhimbje në kafazin e kraharorit, frymëmarrje e vështirësuar, dhimbje koke, alivanosje etj. Kur ushtruesi i vëren këto simptoma duhet të ndërpresë ushtrimin menjëherë dhe duhet të masë pulsin e vet . Nëse vëreni se keni fituar kondicion të mjaftueshëm atëherë mund të filloni me ndonjë disiplinë tjetër me intensitet më të shpejtë dhe kohëgjatë që krijon ndryshim në punën e zemrës dhe mushkërive, qarkullim më të mirë të gjakut që bart më tepër oksigjen nëpër trup.
Përshkrimi i ushtrimeve për çlirimin e muskulaturës:
1. qëndrimi vertikal, duart në korlloka, bëjmë frymëmarrje te thellë duke u ngritur në majë të gishtërinjve të këmbeve dhe mbajmë frymën deri në 20 sekonda e pastaj lëshojmë trupin në të dy shputat e këmbëve së bashku me frymën.
2 qëndrimi ulur këmbëkryq, duart në bel, bëjmë prekjen e gjurit me kokë duke qëndruar në atë pozitë 10- 15 sekonda, prapë kthehemi ne pozitën fillestare . Ushtrimi përsëritet edhe ne anën tjetër.
3. qëndrimi në majë të gishtërinjve të këmbëve me duart lartë, bëjmë lëshimin e trupit nga jashtë në gjysmë ulje 10-15 herë.
4. shtrirë në shpinë, në dysheme me krahë të shtrirë, me kokë bëjmë lëkundje të trupit majtas e djathtas 10-15 sekonda.
|
