|
Qytetėrime: Palestina në këndvështrimin politik 3. Nga Polis - Sunday, 23 March 2008
|
 Ndikimi i politikës okupuese mbi Palestinen e okupuar ka dhënë frytet e veta gati në të gjitha sferat e jetës, ka ndikuar shumë direkt edhe në fushen politike, sociale, ekonomike, por edhe të sigurisë.
Shkruan: Albinot Maloku *
NDIKIMI I POLITIKËS SË OKUPATORIT MBI PALESTINEN E OKUPUAR
Ambasadori Al-Shun e përshkruan kështu ndikimin e okupatorit: - “përveç ndikimit të madh negativ që ka bërë politika e okupimit Izraelit ka ardhur edhe deri tek situata ku kemi tek palestinezët vrasje e maltratime të përditëshme. Embargoja e vendosur ndaj Palestinës ka ndikuar direkt tek qytetaret ku si pasojë e saj ka ardhur edhe nderprerja e çdo ndihme financiare dhe çdo gje që bën të mundshme punen e një qeverie. Ambasadori Al-Shun kerkon te tërheqë vëmendjen sidomos tek problemet që ka shkaktuar embargoja në sektorin e shëndetësisë, furnizimi me barna dhe puna e spitaleve. Më pas ndikimi shumë negativ në arsim ku si pasojë ka ardhur edhe nderprerja e zhvillimit të mësimit.
Në fund mund të konkludojmë se tani për tani kemi një situatë të vuajtjeve, vështirësive e vdekjeve të ditëpërditëshme. E tëra kjo është si pasojë e okupimit izraelit të Palestinës, përfundon ambasadori Al-Shun”.
BOTA ARABE DHE PALESTINA
Në njërën nga ligjeratat e fundme të tij në Sarajevë, shkencëtari musliman dr.Jusuf El-Kardavi duke folur për problemin palestinez pohoi: - “Bota arabe nuk po bën sa duhet, për të mos thënë asgjë, për Palestinën”. Këtë të vërtetë e pohuan edhe disa nga bashkëfolësit e mi gjatë hulumtimeve të mia për Palestinën.
Është më se e saktë që problemi palestinez është një problem që nuk mund të ndahet nga problemet e përgjithshme që preokupojnë boten arabe. Problemi palestinez është problem edhe i vendeve të tjera arabe. Niveli i investimit për Palestinën nga vendet arabe nuk është i atij niveli që do të duhej të ishte. Kjo padyshim që nuk është për shkak të dobësisë ekonomike të vendeve arabe, por ndoshta për shkak të ndikimit të madh të vendeve jo arabe ndaj atyre arabe.
Brenda pesëdhjetë e nëntë vjetëve që nga krijimi i tij Izraeli ka arritur të përfitojë nga dobësitë dhe ndarja e botës arabo-muslimane për të sjellë 2 milion e 900 mijë emigrantë, të cilët e rritën në mënyrë të menjëhershme numrin e çifutëve në Palestinën e pushtuar.
Duke tërhequr vëmendjen lexuesit se populli palestinez është aq i ndarë sa në një raport të një gazetarie të huaj përshkruhej se si dy grupe fëmijesh po luanin lojen e quajtur “hamasi kundër fatahut”. Kam plotësisht të drejtë nese do të kerkoja së pari unifikimin e popullit palestinez dhe ndaljen e vllavrasjeve e më pas çlirimin e Palestinës.
Populli palestinez pa një autokritikë e autokontroll nuk do të lëvizë aspak nga vendi ku ndodhet.
VLERESIME DHE KONKLUZIONE
Sot po ndodh një luftë e pamëshirshme mes dy popujve ne token palestineze. Në njëren anë e mirë armatosur ushtria izraelite, e cila po ushtron një politikë totalisht destruktive ndersa në anen tjetër grupet radikale palestineze të cilat po bombardojnë në mënyrë suicidiale qytetarët e pambrojtur izraelitë. Kur po flasim për bombardimet vetëvrasëse të palestinezëve ndaj qytetarëve të pambrojtur izraelitë duhet patjetër të theksojë se shumë njerëz janë totalisht të pa informuar për islamin, duke besuar se besimi islam e lejon dukurinë e vetëvrasjes, gjë që është shumë larg nga e vërteta.
Është më se e qartë se islami ashtu sikur se ndalon vetëvrasjen po ashtu ndalon marrjen e jetës së tjetrit. All-llahu xh.sh ndalon rreptësisht vetëvrasjen.
Çdo musliman duhet të denojë veprime të tilla pasi ato krijojnë re të zeza mbi popullin e përvuajtur palestinez. Po ashtu çdo musliman duhet t’a ketë parasysh që të kundershtuarit e cionizmit automatikisht nuk do të thotë të kundërshtosh edhe çifutët.
E kam thënë e do ta them, Palestina është vend i shenjtë edhe për çifutet edhe për katolikët e po ashtu edhe për muslimanët.
Udhëheqja palestineze është e paralizuar nga natyra e saj heterogjene, nga kontradiktat lidhur me qellimet dhe objektivat, si dhe përkulja përballë disa vendeve arabe dhe nderkombëtare. Patjetër që do ta perseris pa unifikimin e faktorit politik palestinez, pa unifikimin e popullit palestinez nuk do të kemi stabilizim dhe zgjidhje të problemit në Palestinë dhe në Lindje të Mesme.
Për fund, si musliman sinqerisht dëshiroj që të ndalen gjakëderdhjet e të fillojë paqja nga të dy anët. Jam kundër vrasjeve dhe okupimit izraelit të palestinezëve dhe Palestinës, po ashtu jam kundër vetëvrasësve radikal palestinezë të cilët marrin jetën e izraelitëve të pa mbrojtur. Uroj që sa më parë në Lindjen e Mesme të zotërojë paqja dhe e mira për ta bërë këtë popull të lumtur dhe më pak të munduar!
|
|
| |
| Vlerėso shkrimin | Nota mesatare: 4.55
Votues: 9
| |
|
