Më e rëndësishmja për të cilën profesor Kevin Warwick ka nevojë  për stërvitjen në vrapim është një prekël tejzanore. Se ndaj saj përkundërvepron roboti i tij njeringjashëm. Ai mban gjithnjë të njëjtën largësi, mat me saktësi shpejtësinë dhe ndjek krijuesin e tij drejtedrejt hap pas hapi. Roboti si shok i njeriut. Ky është programi i Warwick'ut. Ai don përveç kësaj të bëjë teknikën pjesë të njeriut. Prandaj ai ka qenë i pari që ka bartur një cifël kompjuterike e cila komunikon me shtëpinë inteligjente.

Cifla kompjuterike e implantuar hap automatikisht dyert, fik si me një dorë fantazmash dritën dhe kallëzon gjithmonë se ku ndodhet mbajtësi i saj.

Eksperimentet e Warwick me ndjesitë do të kenë edhe dobi praktike. Një kapelë-tejzanore njofton përmes të dridhurash në dorë, nëse ka ndonjë pengesë. Një ndihmë me vlerë për të verbërit. Sepse sistemi ndjesor lëshon edhe tinguj paralajmërimi.

Warwick, të cilit i kanë dhënë nofkën "Captain Cyborg" (Kapiteni Kiborg), ka ndërtuar 5 shqisa të tilla në kokën e një roboti: "Mund të thuhej se ai (roboti) zotëron një inteligjencë të ngjashme me të njeriut. Ka një tru kompjuterik dhe pas disa vjetësh do të jetë shumë më inteligjent se unë", thotë ai.

Me teza të tilla Warwick provokon me vetëdije publikun e tij. As vegimet e tij më të zymta trillueso-shkencore nuk do t'i ndante gjithkush."Filmi "I robot" (Unë roboti) na shfaq një botë në të cilën robotët janë të pavarur. Në të vërtetë do të jetë kështu pas 20 deri 30 vjetësh. Meqenëse në atë kohë ata do të jenë më inteligjentë se ne, do t'i bëjnë vetes pyetjen: pse t'i bindemi njeriut, kur e dimë vetë më mirë. Njerëzit do të jenë vetëm një nënlloj në një botë të mbizotëruar nga robotët". Dhe ai vazhdon më tej: "E vetmja rrugëdalje për njerëzit është të bëhen kiborgë, gjysmë njerëz, gjysmë makina, në mënyrë që të jenë në gjendje të arrijnë të ngrihen në nivel. Unë dua pa dyshim të jem një kiborg. Nuk dua t'i përkas nënllojit njeri me aftësi të kufizuara, kur si kiborg mund të kem mbiaftësi."

Mirëpo robotët realë të Warwick’ut janë tepër larg këtyre mbiaftësive. Për gjysmë maratonën e planifikuar shkencëtarëve u kanë mbetur akoma shumë probleme për të zgjidhur. Edhe epërsia e robotëve do të ketë në të ardhmen kufizimet e saj të natyrshme, si për shembull rasti kur energjia nga akumulatori do të jetë thjeshtë zbrazur.

Përgatiti për Rruzull.net : Alvin Ekmekçiu
Burimi: gjermania DW/Kevin Warwick – Der erste Cyborg der Welt /14.02.2006
Vë re! Ky shkrim nuk lejohet të kopjohet dhe të përdoret për qëllime komerciale (fitimprurëse). Mbi lejet e përdorimit të shkrimeve të © Rruzull.net lexo këtu.