Natyra: Koenzima Q kundër mplakjes
Data e botimit: Monday, 14 November 2005
Lėnda: Trupi i njeriut
|
 Kimisti Walt Dunlop (shqip. Uollt Danlap) ka veçuar lëndën bakteriale Koenzimën Q nga shkëmbijtë nënujorë koralorë Great Barrier Reef buzë bregdetit verior të Australisë dhe shpreson me këtë të frenojë vjetërsimin e lëkurës së njerëzve. Në qullin koralor ka baktere që sa më tepër i nënshtrohen rrezatimit agresiv ultravjollcë aq më tepër e prodhojnë këtë koenzimë. Koenzima Q kap radikalet e lira. Radikalet e lira, një rrezik për vargjet e DNA'së, shpërbëhen aq shpejt, sa më tepër goditen bakteret.
Bakteret janë të afta të rrisin menjëherë dhe pamasë mekanizmat e tyre mbrojtës dhe ndreqës. Koenzimë Q ka edhe në lëkurën e njeriut, por pakësohet me të shpejtë në moshë të thyer. Walt Dunlop shpreson tani, që mekanizmat e zbuluara do të mundeshin të përdoreshin dikur. Përmes kësaj ai nuk don të bëjë ndokënd më të ri, por më saktë të bëjë një çap përpara kundër sëmundjeve që kanë të bëjnë me moshimin si dobësitë kardiake ose sëmundjet degjeneruese si Alzheimer dhe Parkinson.
Koralet rriten deri menjëherë nën sipërfaqen e ujit, pasi që kanë nevojë për dritë për fotosintezën. Por kur nisin baticë-zbaticat, banorët e ujit u nënshtrohen papritur faktorëve me rrezik për jetën si ajri dhe rrezatimi i drejtpërdrejtë i diellit.
Përgatiti për Rruzull.net : Alvin Ekmekçiu
Burimi: gjermanja 3sat / nano/Coenzym Q aus Korallen sollen Menschen schützen/05.10.2005
Vë re! Ky shkrim nuk lejohet të kopjohet dhe të përdoret për qëllime komerciale (fitimprurëse). Mbi lejet e përdorimit të shkrimeve të © Rruzull.net lexo këtu.
|
|
| |
| Vlerėso shkrimin | Nota mesatare: 4.2
Votues: 10
| |
|
