 Në vendet e pasura, të industrializuara si Gjermani, Angli apo Shtetet e Bashkuara të Amerikës ka në fakt para të mjaftueshme për të gjithë, por pasuria është e shpërndarë në mënyrë të padrejtë.
Ata që nuk gjejnë punë të paguar mirë ka gjasa që pas pak kohësh të mos jenë në gjendje të paguajnë banesën.
Vetëm në Nju-Jork, në qytetin më të pasur të botës, jetojnë në rrugë rreth 40.000 vetë. Tendenca tregon rritje, sepse çmimet e qirave për banesa në qytetet e mëdha po shkojnë në tavan dhe pagat reale po bien. Megjithëse problemi sa vjen e prek më shumë njerëz, të qenit i pastrehë është një temë për të cilën thuajse nuk flitet.
Amerikani Nick Flynn ka shkruar një libër mjaft personal mbi këtë temë. Ai përllogarit që në Amerikë jetojnë të paktën një milion vetë në rrugë, ndoshta edhe dy milionë:
"Megjithatë vetëm dhjetë deri në njëzet për qind e të pastrehëve duken. Të tjerët ngjajnë si unë dhe si ti. Këta ulen në kafene ose në stolat e parqeve, lexojnë gazeta, por natën nuk kanë shtrat për të fjetur. Shumë pak prej tyre përputhen me imazhin romantik të "njeriut të lirë", që jeton me qejf jashtë."
Burimi: Të pastrehët në vendet perëndimore/DW
|
