Këto ishin fjalët e të riut Martin Luther King vetëm disa ditë pasi ai kishte organizuar një bojkotim të transportit publik në Montgomery të Alabamës për t’i dhënë fund racizmit në këtë sektor. Në pjesën më të madhe të Shteteve të Bashkuara, veçanërisht në jug të vendit, ligji kërkonte që zezakët të zinin pjesën e përparme të autobusit, ndërsa të bardhët të uleshin në fillim.

Gjatë një marshimi në Washington në mars të 63-shit King tha:
“Unë e kam ëndërr që ky vend të bëjë realitet kredon amerikane se ‘Ne e konsiderojmë të vërtetë të pakundërshtueshme që të gjithë njerëzit janë krijuar të barabartë’ në kuptimin e vërtetë të fjalës”.

Tubimi masiv ku morën pjesë njerëz të të gjitha racave, dhe fjalimi i Doktor Kingut ndihmuan miliona amerikanë të kuptojnë më mirë lëvizjen për të drejta civile.

King vazhdoi të luftonte për të drejta civile duke organizuar marshime e demonstrata për të drejtat e votimit, për mundësi të barabarta në shërbimet publike e pagë të babartë. Në prill të 1968-ës i Përndershmi King shkoi në Memphis të shtetit Tennessee, për të mbështetur dhe ndihmuar një grevë të punonjësve të shërbimeve sanitare. Aty ai mbajti fjalimin e tij të fundit, që ka mbetur i famshëm deri në ditët tona.

“E kam parë Tokën e Premtuar dhe unë mund të mos arrij atje me ju, por dëshiroj që sonte ju ta dini se si popull ne do të shkojmë në Tokën e Premtuar”, tha Martin Luther King.

Të nesërmen i Përndershmi King u qëllua për vdekje kur ndodhej bashkë me miqtë e tij në ballkonin e hotelit ku po qendronte.

Burimi: Sot, dita e Martin Luther King/ZA