Meqënëse fëmijët mund të vjellin për shkaqe të ndryshme atëherë njeriu nëse është i shqetësuar duhet të mos ngurrojë të kontaktojë një infermiere apo mjek në këshillimoren e fëmijëve, spital apo qendër kujdesi shëndetësor.

Shkak serioz i të vjellave mund të jetë për shembull rasti kur fëmija ka gëlltitur diçka helmuese. Simptomat e para të helmimit janë zakonisht të përzierët, bark, të vjella dhe dhimbje barku. (Ata që jetojnë në Suedi të cilët e dijnë se fëmija u ka gëlltitur diçka që mund të jetë helmuese atëherë duhet të telefonojnë Qendrën Informuese mbi Helmimet (Giftinformationscentralen) në numrin alarmues 112).

Sëmundje dhe gjendje si alergjia nga lëndët ushqimore, diabeti, apendiciti dhe infeksionet mund të japin simptoma si të përzierët dhe të vjella.

Të vjella vërshuese

Disa fëmijë preken nga të vjella që vërshojnë nga goja. Këto lloj të vjellash dalin si predhë dhe mund të shkojnë deri në një metër largësi. Këto të vjella shkaktohen nga se muskujt në stomak nuk munden të fusin ushqimin në zorrë pasi goja e stomakut është më e ngushtë nga sa duhet kështu që në vend të kësaj fëmija e vjell jashtë ushqimin. Kjo gjendje njihet ndryshe edhe si pylorusstenos ose pylorusspasm dhe mund të zhduket vetë ndërsa trupi zhvillohet. Këto lloj të vjellash çojnë zakonisht në atë që fëmija nuk shton në peshë sa duhet. Prekin më tepër djemtë sesa vajzat dhe kjo zakonisht kur fëmija është një deri dy muajsh.

Nëse fëmija ka këto lloj të vjellash dhe nuk shton në peshë apo humbet në peshë atëherë duhet kontaktuar një mjek në qendrën e shërbimit shëndetësor. Trajtimi është një operacion i lehtë.

Vijon me "Të vjellat nga infeksionet virale dhe koliti"