Portreti i heroit tonë kombëtar Gjergj Kastrioti gjendet në galerinë Uffizi në Itali, më saktësisht në Firence, midis portreteve të panumërta personalitetesh. Ky fakt thekson edhe më tepër rëndësinë dhe famën e heroit tonë legjendar. Ky portret është një nga dëshmitë më me rëndësi të historisë shqiptare dhe ndoshta i vetmi portret origjinal i Skënderbeut.
Gjergj Kastrioti është pikturuar në gjysmë profil, në moshë të madhe, me flokë e mjekër të thinjur. Manteli dhe bereta në ngjyrë gri janë të stilit venecian.
Krijimi i kësaj galerie të famshme në të tërë botën e qytetëruar daton 1560-1580 dhe për këtë meritën e ka familja Medici e në veçanti duka Cosimo I. Kjo galeri është kryevepra e arkitekturës fiorentine të shekullit XVI. Ajo ngrihet midis Palazzo Vecchio dhe lumit Arno.
Përveç galerise Uffizi Gjergj Kastrioti eshte edhe muzeun etnografik në ish-Pallatin Perandorak në Vjenë, sot Biblioteka Kombëtare (Neue Burg, Museum für Völkerkunde). Ketu ndodhet përkrenarja dhe shpata origjinale e Skënderbeut, e vendshikuar prej dekadash.
Bazuar ne shkrimin e Dr. Evis Harjës per Shekullin 04/02/2005
|
