Dhe zhvillimi nuk ka përfunduar aspak. Në kërkim të njohurive mbi hapësirën kozmike, hulumtuesit kanë zbuluar se si akoma mund të krijohen galaksi të reja. Yje vdesin dhe lindin. Gropa të Zeza llupëse gëlltisin gjithçka ka rreth e qark tyre dhe diej shpërthejnë. Mbi të gjitha teoritë e Einstein'it (Ajnshtajnit) e kanë ndryshuar plotësisht përfytyrimin tonë mbi Gjithësinë e hershme. Ato na japin pikëmbështetje mbi se si mund të krijohet lënda dhe se si ndryshon hapësira përmes lëndës.

Duke pasur parasysh forcat e shfrenuara që veprojnë në Gjithësi, lind pyetja, sa të sigurt jemi ne këtu në Tokë. Shkencëtarët janë duke zhvilluar vegime gjithnjë e më të reja të të jetuarit në hapësirën kozmike për rastin kur jeta në Tokë nuk do të ishte më e mundur. P.sh. prej nga një stacioni hapësinor pranë Tokës mund të kolonizohej Marsi. Në një atmosferë të Marsit, të krijuar artificialisht, do të zhvillohej një jetë e ngjashme me atë në Tokë.

Këto lloj spekulimesh ushqehen gjithnjë e më tepër me ecjen përpara të hulumtimit të Marsit. Por vënia në jetë e një kolonie marsiane ngjan edhe në të ardhmen e largët të mbetet më tepër me një dëshirë sesa realitet.

Në një vegim tjetër të dijetarëve do të popullohej bile edhe një asteroid. Thellë në shkrepa do të krijoheshin qytetet e reja. Do të ishte i mundur edhe krijimi i një kolonie në hapësirën kozmike, e cila do të kishte gjithçka me vete për të cilën do të kishin nevojë njerëzit për të jetuar. Një planet artificial, i cili lëviz nëpër Gjithësi dhe sjell jetën - njerëzit - nga galaksia e jonë për në rajone të reja të Gjithësisë. Por vegime të tilla i përkasin akoma të ardhmes së largët.