 Titani që është hëna më e madhe e planetit Saturn është më i madh se planeti Mërkur. Mendohet të jetë dhe e vetmja hënë e Sistemit Tonë Diellor e mbështjellë nga atmosfera. Anija kozmike Kassini, një mision i përbashkët hapësinor ndërmjet agjencive amerikane dhe evropiane të hapësirës, që ka shtatë vjet duke udhëtuar në hapësirë, lëshoi më datë 14 janar 2005 sondën Huygens për të zbritur në një kufi midis materies së ndritshme dhe të errët mbi sipërfaqen e Titanit.
 Sipërfaqja e Titanit dhe qielli kanë ngjyrë të portokalltë. Shkencëtarët besojnë se gurët në foto mund të jenë akull/Foto e BBC-së |
Shkencëtarët thonë se fotografitë e atmosferës së Titanit që kanë ardhur nga sonda dhe pamjet e marra nga anija Kassini tregojnë një terren që i përngjan një zone bregdetare të mbuluar nga re që ngrihen 20 kilometra mbi sipërfaqe. Ata e përshkruajnë këtë hënë si një botë e ngrirë ngjyrë portokalli me shkëmbinj prej akulli. Ata gjithashtu tregojnë se Titani ka kodra dhe të ngritura. Ashtu si edhe imazhet, të dhëna të reja shkencore po vijnë mbi atmosferën.
 Foto e BBC-së |
Grupet e shkencëtarëve thonë se kanë gjetur gjurmë të shiut. Uji është i mbledhur në formën e akullit dhe pjesa më e madhe e tij ndodhet nën sipërfaqen e Titanit. Por një pjesë e saj, - ku mendohet se ka aktivitet vullkanik, - është duke e shtyrë akullin jashtë majave të maleve. Fotografitë sugjerojnë se shiu e shkrin akullin nga majat duke krijuar topa dëbore me ngjyrë të errët që bien në pllaja. Ky proces ka krijuar kanale të dallueshme ku rrjedh rregullisht një lëng.
Shiu nuk është tërësisht ujë. Ai është në fakt një lëng i përbërë nga gazi natural metan.
Nuk dallohen shenja për oqeane të mëdha metani, nga (siç duket) fakti që sipërfaqja e Titanit e thith këtë lëng, kurse gazi avullon më vonë në atmosferë.
I mahnitshëm është fakti se sa ngjashmëri kanë disa procese me ato që ndodhin në Tokë. Duke krahasuar të dyja botët, shkencëtarët shpresojnë të mësojnë se si ka evoluar planeti Tokë dhe si u krijua jeta në të, 4 miliardë vjet më parë.
Burimet:
Vijnë pamjet e para nga Titani/BBCFotografi të reja nga Hëna më e madhe e planetit Saturn, Titani/ZAAnaliza të tjera të fotografive nga Titani/BBCNë foto:Hëna e Saturnit, Titani/BBC
|
