 Kompania gjigande e prodhimit të makinave, General Motors, ka futur në përdorim makinën e parë të modelit Hummer, H-2 që punon me hidrogjen dhe ka zgjedhur si përdorues të saj guvernatorin e Kalifornisë, ish aktorin e njohur Arnold Shvarceneger. Guvernatori si dhe shumë të tjerë mendojnë se makinat që punojnë me hidrogjen, të cilat nuk ndotin mjedisin dhe karburanti i tillë gjendet me bollëk, janë e ardhmja e transportit personal.
Pranë stacionit ndërkombëtar LAX në Los Angelos (Llos Ejnxhëllës) u hap stacioni i parë i furnizimit të makinave që punojnë me hidrogjen. Nga pamja e jashtme, kjo pikë furnizimi me hidrogjen duket si stacion benzine. Tani për tani ky stacion do të përdoret nga 6 makina duke shënuar fillimin e zbatimit të planeve për këtë teknologji. Planet janë për hapjen e një rrjeti të gjërë stacionesh deri në 200 për furnizimin e makinave me hidrogjen në mbarë shtetin e Kalifornisë. Në çdo 30 kilometra parashikohet të ketë një pikë të tillë furnizimi. Por hidrogjeni nuk është i lirë. Sot hidrogjeni kushton 5 herë më shumë se benzina. Zyrtarët shpresojnë se sa më shumë të shtohet përdorimi i hidrogjenit, stacionet e furnizimit me të do të shtohen dhe kështu duke u shtuar konkurenca edhe çmimet të fillojnë të ulen.
Si General Motors ashtu edhe disa kompani të tjera po punojnë për ndërtimin e mjeteve që punojnë me hidrogjen, të cilat në të ardhmen jo vetëm që do të furnizonin automobilët por do të përdoreshin edhe për përdorim shtëpiak, në zyra apo edhe si energji për telefonat celularë.
Burimet:
General Motors ka futur në përdorim makinën e parë të modelit Hummer, H-2 që punon me hidrogjen/ZAParashikime mbi ndikimin e ngrohjes globale
|
