Që të dyja sendet e gjetura janë trake dhe mund të hedhin më tepër dritë mbi atë popull që dikur mbizotëronte mbi të sotmet Rumani, Bullgari dhe Maqedoni si dhe mbi pjesë të së sotmeve Turqi dhe Greqi.

Por trakasit nuk kishin një gjuhë të shkruar, kështu që hulumtuesit kanë një detyrë që kërkon mendjemprehtësi kur u duhet të shkoklavisin fjalët në shqipe apo rumanishte që kanë prejadhje trake dhe kur u duhet të ndërtojnë një kronologji për ato rreth njëmijë vjetët kur trakët vetëudhëhiqeshin. Pak përpara erës sonë u zhdukën formacionet e tyre shtetërore.

Arkeologu Georgi Kitov me maskën e gjetur prej tij.

Maska përfaqëson një njeri me mjekër që mund të jetë një mbret trakas që quhej Teres, i ati i Sitakles'it. Të parit i përket edhe varri. Ai ka jetuar në shekullin e katërt p.e.s..

Një nga sendet e lashta më me famë është maska e artë e Agamemnon'it në muzeun arkeologjik të Athinës prej nga pak a shumë e njëjta kohë. Hulumtuesit janë në kërkim të pikërisht ndikimeve të ndërsjella midis grekëve dhe trakasve.

- Maska e Agamemnon'it është e bërë nga ar sa një gjethe i hollë dhe peshon 60 gram , ndërsa maska e sapogjetur peshon 690 gram dhe është e bërë nga një ar masiv, thotë Kitov.

Unaza është e përbërë nga një rreth i artë që peshon 15 gram. Kitov mendon se rremtari i skalitur përfaqëson një pjesëmarrës të lojërave të lashta olimpike.