BabA veçon disa lëndë të veçanta sheqerore në sipërfaqen e qelizave të cilat ndryshojnë në paraqitje duke u varur nga se cilit grup gjaku i përket individi, A, B, ose 0. Aty nguliten bakteriet dhe vjedhin mjetet e jetesës nga sheqeri.

Ndryshimi që bëjnë bakteriet u jep atyre disa përparësi: përhapen më lehtë ndërmjet individëve me grupe të ndryshme gjaku, kështu mund të infektojnë shumë vetë dhe në këtë mënyrë kanë mundur të përhapen në të gjithë botën.

- Bakteriet kanë aftësi befasuese për t'u përshtatur dhe sillen si një kameleon, thotë Thomas Borén.

Efekti ngjitës ndryshon nga një lloj bakterie në një tjetër si dhe me kohën, çfarë mund të shpjegojë simptomat e ndryshme të infeksioneve. Prej nga pothuajse asnjë reaksioni deri tek plagë të rënda stomaku.

Shpresat janë të arrihet të zhvillohen ilaçe të reja që pengojnë lidhjen dhe ndërpresin procesin e ngjitjes. Një vaksinë e mbështetur tek lënda BabA është gjithashtu duke u provuar midis të tjerash nga grupi i Umeå's. Ajo mund të stërhollohet tashmë dhe le të shpresojmë se mund të bëhet më e efektshme.

- Kjo na jep mundësi të skicojmë vaksina të posaçme sipas mënyrës që bakteriet u përshtaten mjediseve të ndryshme, thotë Thomas Borén.

Gjatë shqyrtimit hulumtuesit mblodhën 59 farefisni të ndryshme bakteriesh të përhapura në Peru si dhe mbi 300 vende të tjera si në Suedi, Japoni dhe Spanjë. Ata gjetën lidhje të ngushta me lëndët sheqerore të grupeve të gjakut në 95 përqind të të gjitha motërzimeve bakteriesh.