Njerëzit po arrijnë të jetojnë gjithnjë e më tepër. Mbi këtë pikë studiesit janë në një mendje. Por kur është fjala për deri sa vjet mund të jetojë njeriu atëherë ata janë të mendimeve të ndryshme.
Studiuesi amerikan Steven Austad i Universitetit të Idaho-s është i bindur që disa nga fëmijët e lindur që sot do të arrijnë të jetojnë deri 150 vjetë. Kjo falë teknologjive biomjeksore si p.sh. zëvendësimi i organeve me të tjera që do të prodhoheshin në laboratorë si dhe terapive të gjeneve. Në librin e tij "Pse mplakemi: Cilat janë dijet e fundit mbi udhëtimin që bën trupi përgjatë jetës" Austad e mbështet optimizmin e tij tek kuptimi gjithnjë e më i madh që po arrihet t´i bëhet fazave të mplakjes. Kur kjo e fshehtë do të zbulohej përfundimisht atëherë njeriu do të arrinte të zhvillonte metoda që të paktën do të ngadalsonin këtë proçes. Kjo është mëse e sigurtë. Para pak kohësh dijetarët kanë arritur që nëpëmjet pengimit të veprimit të një gjeni të arrijnë të dyfishojnë jetëgjatësinë e një krimbi.
Një nga teoritë mbi mplakjen e njeriut thotë se mplakja është në dorë të telomereve të cilat ruajnë fundet e kromozomeve. Gjatë ndarjes së qelizave fundet e kromozomeve shkurtohen gjithnjë e më tepër. Kur nuk mund të ndahet më qeliza vdes. Studiuesit e Universitetit të Texas kanë arritur të zgjasin fundet e kromozomeve me ndihmën e lëndës që nxirret nga e bardha e vezës. Telomeraza e quajtur "Enzima e pavdeksisë" kthen mbrapsh proçesin e mplakjes, qeliza rinohet. Woodring Wright që luajti një rol të rëndësishëm në këtë zbulim profetizon: "Që pas 20 vjetësh do të jemi në gjendje të arrijmë të manipulojmë jetëgjatësinë e ndokujt".
Nga ana tjetër studiuesi amerikan S. Jay Olshansky i Universitetit të Chicago-s thotë "Trupi i njeriut nuk është ndërtuar për të jetuar kaq gjatë". Disa individë mund të jetojnë deri 130 vjet por jo më tepër. I të njëjtit mendim janë edhe pjesa më e madhe e studiuesve.
Një ndër njerëzit më të vjetër që jeton sot në botë, në mos më e vjetra, është një grua shqiptare nga fshati Shushicë i Elbasanit, Hava Ruda që mendohet të ketë lindur në qershor të vitit 1880 (sot në vitin 2003 është 123 vjeçare). Meqënëse mosha e saj nuk mund të vërtetohet në bazë të ndonjë çertifikate lindjeje vendi i njeriut më të vjetër në botë që është akoma gjallë i kalon japonezes Kamato Hongo të lindur në shtator të vitit 1887 (sot në vitin 2003, 116 vjeçare).
Demografi James W- Vaupel është i mendimit se gjysma e vajzave të lindura sot do të arrijnë të hyjnë në qindvjeçarin që do të vijë. Gjysma e të gjithë të vegjëlve të sotëm do të arrijnë të jetojnë të paktën deri në 95 vjet.
Përgatiti: Alvin Ekmekçiu - Mbështetur në materialin e revistës austriake SurfMed, gazetës shqiptare Shekulli dhe librit të rekordeve botërore Guinness.
Vë re! Respekto punën tonë ! Mos përdor shkrimet e kësaj reviste pa lejen tonë dhe pa vënë në dukje se puna e kujt është !
| 
