Jay Harris ka qenë redaktor i një gazete bulevardeske, i cili thotë se redaktorët janë të vetëdijshëm që shkrimet mbi njerëzit e famshëm shesin gazetën.

“Të shkruash për yjet është biznes i mënçur, po ta shohim këtë çështje nën këndvështrimin komercial duke patur parasysh edhe trysninë e konkurrencës”.

Përqendrimi tek njerëzit e shquar po i jep formë tjetër rrymës kryesore të gazetarisë, thotë Sue Cross e agjencisë Associated Press.

Peggy Jo Abraham e rrjetit “E! Entertainment” e përshkruan veten si gazetare që njofton mbi njerëzit e famshëm. Si drejtore e departamentit të lajmeve në televizionin ku punon, ajo thotë se kërkon që çdo histori të konfirmohet, por shton se mjetet e informimit që merren me yjet janë më pak të kujdesshëm përsa i përket verifikimit të njoftimeve.

Gazetari Robert Scheer thotë se gazetat rendin më pak se mjetet e tjera të informimit pas shkrimeve mbi njerëzit e famshëm, por vëren se revistat janë shkelëset më të mëdha të etikës në këtë drejtim. Revistat zakonisht reklamojnë shkrime për figura të shquara për të shtuar numrin e kopjeve të shitura.

Specialistët vërejnë se shkrimet sensacionale botoheshin dikur vetëm në faqet e revistave bulevardeske, kurse tani ato janë bërë pjesë e programeve dhe e mjeteve kryesore të shtypit, bazuar në arësyetimin se kjo ngjarje po bëhet publike nga mjetet e tjera dhe vetëm për këtë ia vlen të mbulohet.

Lexo shkrimin e plotë tek Zëri i Amerikës

Përmblodhi: Alvin Ekmekçiu