|
Teknologji: Prodhohet laptopi që të jep pamje trepërmasore Nga Inxh. Saimir Lolja - Friday, 30 January 2004
|
Një kompjuter i tillë të krijon ndjesinë e tre përmasave në ekran pa qenë nevoja me vënë syze të posaçme. Emri tregtar i këtij kompjuteri është Sharp Actius RD3D dhe do të kushtojë 3000US$. Ky kompjuter duket si një laptop i thjeshtë nëse nuk eshtë i shtypur butoni përkatës 3-D. Kur në ekran ka lojra apo zbatime grafike, atëhere ekrani duket i thellë dhe përpara të shfaqet një pamje shtangëse përsa i përket vërtetësisë së objekteve që janë para syve. Biles, për një mollë të shijshmë joshja është e atillë sa njeriu e zgjat dorën për ta prekur, por nuk e arrin sepse gishtat i përplasen me xhamin e ekranit.
Sipërmarrja Sharp e parashikon këtë kompjuter dore si mjet i përshtatshëm pune për arkitektët, inxhinierët apo kimistët që kanë nevojë të punojnë mbi objekte tre-përmasore. Gjithashtu, një arritje tillë do të jetë shumë tërheqëse për ato që merren me lojra në kompjuter. Më parë ishte arritur që të shihej një pamje tre-përmasore mbi kompjuter, por nëpërmjet përdorimit të syzeve të posaçme.
Modeli Sharp Actius RD3D i shmang kështu syzet, por kërkon që përdoruesi të ketë një pozicion të caktuar në lidhje me kompjuterin dhe vetëm një përdorues apo shikues mund të arrijë pamjen tre-përmasore të duhur.
Një teknologji e tillë spjegohet si më poshtë. Ekrani i një laptopi të zakonshëm përbëhet nga dy shtresa: një shtresë kristali të lëngët ku formohet pamja dhe një shtresë e prapme nga ku lëshohet dritë. Teknologjia Sharp Actius shton një shtresë tjetër midis dy të parave, e cila është e tejdukshme kur butoni 3-D nuk është shtypur. Sipërmarrja Sharp parashikon ta zbatojë këtë teknologji edhe për ekranet e kompjuterave të zakonshëm.
Burimi: The Associated Press
Përgatiti Saimir Lolja
|
|
| |
| Vlerėso shkrimin | Nota mesatare: 4.04
Votues: 21
| |
|
