Idea mbi tragëtaksinë lindi në vitet 50-të në SHBA. Në vitet 70-të u bënë prova paraprake në SHBA, Japoni dhe Gjermaninë Perëndimore.

Firma amerikane e prodhimit të armëve Raytheon (Rejthion) ka arritur të ngrejë një sistem të tillë të quajtur PRT 2000 në Çikago (Chicago). PRT qëndron për Personal Rapid Transit dhe do të thotë Transportim i Shpejtë Personal.

Tragëtaksia është një sistem kolektiv për udhëtime individuale. Këto automjete janë të krijuara për të mbajtur deri në katër vetë, dhe ai që don të udhëtojë me një të tillë shtyp një sustë për të thërritur taksinë. Pastaj zgjedh se ku do shkojë dhe tragëtaksia e gjen vetë rrugën më të shkurtër, përmes një rrjeti tragësh të përbërë nga shtigje që ndodhen disa metra mbi tokë.
Ky sistem do të shkonte më së miri për zonat tepër të populluara. Dhe nuk është trillim shkencor por krejt i mundshëm për t'u zbatuar

Ndonëse janë kryer shumë orvajtje për të vënë në jetë tragëtaksinë, i vetmi sistem komercial që është arritur të ngrihet në botë ndodhet në SHBA.

Edhe në Stokholm të Suedisë do të fillohet të eksperimentohet së shpejti me një sistem të tillë taksishë në tetë zona të qytetit.

Tragëtaksia është e shtrenjtë për ta ndërtuar por e lirë për ta ngarë pasi nuk ka nevojë për shoferë që do të kërkonin një rrogë. Mendohet se sistemi i tragëtaksisë është më i leverdisshme se hekurudha e posaçme për trenin me shpejtësi të madhe. Për më tepër nuk ndot as mjedisin.

Fluturudha

Një lloj tragëtaksie është edhe e ashtuquajtura Flyway, Fluturudhë. Këtu automjeti ecën nën trarë të hollë.

Ka dy lloje të tillë automjeti; njëri që është dhe më i vogël dhe që ka një gjërësi të rehatshme për një person dhe gjatësi të vogël, duke ulur kështu në përgjithësi çmimin e prodhimit.
Mund të ketë edhe 2 ose 3 vende për tu ulur. Këto lloj automjetesh janë paraparë në rradhë të parë për udhëtime për në punë sidomos gjatë mësymjeve të mëngjesit apo të mbrëmjes. Sot ka vetëm një person në 75 % të automjetëve që ecin nëpër rrugë, 2 persona në 20 % dhe 3 persona apo më tepër në 5 % që mbetet. Kështu mësymjet e trafikut në mëngjes apo në mbrëmje shkaktojnë shpesh rradhë të gjata automjetesh, ndotje të mjedisit dhe kohë të gjata udhëtimi.

Lloji tjetër i automjeteve që ecin nën trarë ka një gjërësi për dy persona, dhe mund të ketë 4, 6 apo 8 vende që mund të ngrihen sipër, të rrotullohen apo të zhvendosen. Këto janë të parapara para së gjithash për udhëtime të një grupi njerëzish gjatë mbrëmjes dhe kohës së lirë, ekskursioneve gjatë ditës, apo udhëtimeve me tesha (si ushqime, çanta, karroca fëmijësh, karrige me rrota, biçikleta etj.). Në këto automjete vendet mund të zhvendosen, qoftë për të krijuar më tepër hapësirë, apo qoftë për të lidhur teshat midis vendeve që të mos dëmtohet kush në rast ndalesash të papritura. Edhe këto lloj automjetesh kanë një prerje tërthore dhe peshë të vogël.