MGS fluturoi përqark polit të jugut gjatë Tetorit 1999, që për atë zonë të atij planeti ishte stina e pranverës. Fotot e marra prej tij tregojnë një truall të veçantë të shtresëzuar të poleve.

Ka mundësi që ajo zonë të ruajë fshehtësinë e historisë klimatike të këtij planeti për 100 milionë vjetët e kaluara.

Gjeologët e planeteve mendojnë se tek materialet që përbëjnë shtresat e polit jugor të Marsit përfshihen dioksid karboni i ngrirë, ujë në formë akulli dhe pluhur i imët.

Historia e shtresave
Në Tokë, gjeologët studiojnë shtresat shkëmbore për të përcaktuar historinë e planetit tonë. Shkëmbinjtë, që në fillim kanë qenë shtresa sedimentare, mund të deshifrohen duke ditur se shtresat më të vjetra gjenden nën shtresat më të reja.

Shkencëtarët, për të hetuar ndryshimet në klimën e Tokës përgjatë miliona vjetëve të fundit, përdorin parimin e vëzhgimit të kores së akullit nga Groenlanda dhe Antarktika. Shkëmbijtë e shtresëzuar si dhe depozitat polare të shtresëzuara në Mars munden gjithashtu të ruajnë një kujtesë të tillë historike.