Nga Daniel Lolja - E premte , 14 nëntor 2003

E vërteta doli të ishte krejt ndryshe, Maiku e pat blerë kafkën për 400 stërlina nga një mik i quajtur Sidni Barni më 1943 gjatë një ankandi tek Sothbai (Sotheby).

Ndërkohë vetë Barni e pat blerë atë kafkë nga një mbledhës tjetër, gjë që vërtetohet nga një letër që Barni i pat dërguar Muzeumit Amerikan të Historisë së Natyrës ku i shkruante se: …. Kafka prej kristali shkëmbor ishte për disa vjet në pronësi të një mbledhësi nga i cili unë e bleva atë dhe ai vetë e pat blerë nga një anglez që e kishte pasur për disa vjet, por më tej unë nuk di më shumë….

Një tjetër blerës për kafkën në fjalë gjatë ankandit tek Sothbai më 1943 ishte Muzeumi Britanik, i cili ndërkohë mbante në pronësi të tij një kafkë tjetër që mendohej të ishte një objekt i vjetër nga Amerika Qëndrore. E vetmja gjë që dihej për atë kafkë të Muzeumit Britanik ishte se ajo iu ishte blerë sipërmarrjes së guarve të çmuar Tiffany të Nju Jorkut më 1898.

Kafka të tjera kanë dalë në sipërfaqe gjatë viteve dhe ato vazhdojnë të tërheqin vëmendjen e njerzve që mendojnë se ato duhet të jenë prodhuar në kohë të lashta prej një teknologjie të përparuar. Disa mendojnë se kafkat shprehin legjendat e lashta Amerikane të 13 kafkave dhe shfaqin njohuri të shifruar në kohë nevoje. Ndërkohë që më e shumta që mund të thuhet për legjendat e lashta Amerikane është se ato u shprehën për herë të parë nga Nik Noserino, i cili ishte një nga kërkuesit e kafkave të kristalta dhe gjithashtu themelues i Shoqërisë së Kafkës së Kristaltë më 1945.

Kuarciti është një shkëmb i përbërë nga grimca ranore kuarci të çimentuara tërësisht me silicë. Kuarciti dallon nga lënda e grimcës ranore sepse thërrmohet në kokrriza, ka pamje qelqore dhe për shkak të fortësisë së tij nuk mund të gërvishet me një thikë.