Por kockat kanë forma të parregullta çfarë i bën ato të vështira për t´i përdorur në ndërtesa. Për këtë arsye arkitektët në fjalë kanë zhvilluar një model matematikor i cili tregon si të krijohen struktura të ngjashme me ato kockore në cilëndo formë që kërkohet të jenë. Williams ka zbuluar se një ekuacion i thjeshtë mund të përdoret për të përshkruar krejt kallupin dhe formën e një strukture të ndërlikuar si ajo e urës që ka skicuar.

Të ndërtosh një urë të tërë prej një ekuacioni të vetëm është diçka që ka shumë përparësi. Urat e derimësotme kanë shpesh një numër të madh përbërësish me tipare të ndryshme mekanike. Është shumë e vështirë të kuptosh se si të gjithë këto do të silleshin kur janë të vendosur së bashku në një strukturë.
Kështu duke e përshkruar vetëm me një ekuacion mënyrën se si do të sillej një urë lehtësohet shumë puna në llogaritjet.

Julian Vincent i Qendrës së Biomimetikës në Universitetin e Reading thotë se një përparësi tjetër e një strukture të tillë kockore është pasja e vetëm një funksioni matematikor çfarë bën që e gjithë struktura të jetë e lëmuar, në kuptimin që nuk ka pika sforcimi. Pikat ku lindin sforcime janë pika të dobëta të strukturës.

Përveç këtyre pas strukturave kockore ka një bukuri që u mungon strukturave të derimësotme. Williams thotë se kemi të bëjmë me një gjësend që përshkruan vetveten. Edhe copëza më e vogël e kësaj strukture do të përmbante të gjitha të dhënat e nevojshme për ta krijuar atë të tërën. Ai flet mbi një pastërti matematikore.