Çdo 10 apo 20 milionë vjet përplasen mbi Mars asteroidë të gjatësive 100 apo 200 kilometra.

Luginat e Marsit u formuan në kohën, e ashtuquajtur, bombardimit të rëndë të vonshëm të Marsit nga asteroidet, rreth 4 miliardë vjet më parë.

Përplasjet duhet të kenë shkrirë akullin e gjendur nën sipërfaqe duke hedhur avuj uji në atmosferë dhe duke sjellur krijimin e lumenjve, rrëkeve apo shkarjeve të tokës përgjatë tërë planetit, kjo sipas një studimi më të ri të një grupi studiuesish të Universitetit të Colorado's në SHBA të udhëhequr nga Teresa Segura. Për këtë studimi u shfrytëzuan fotografitë dhe një model kompjuterik i planetit.

Uji nën sipërfaqen e Marsit duhet të jetë shkrirë nga energjia e përplasjeve duke krijuar lumenj lymi ndërsa avulli i ujit në atmosferë duhet të ketë rënë në tokë si shi.

Periudha kur uji ishte i rrjedhshëm dhe planeti ishte i ngrohtë nuk mund të ketë zgjatur më tepër se disa vjet apo dhjetëvjeçarë, duke ia bërë kështu të vështirë organizmave të zënë rrënjë.