Në një broshurë të quajtur "Argëtim, siguri, qetësi në The Red District Area (zonën e shitjes së seksit)" këshilla e parë që u jipet turistëve të seksit është: "Nëse vizitoni ndonjë prej grave (atje), duam t´ju kujtojmë që jo të gjitha janë gra".

Si rregull numër dy: "Mos i fotografo gratë, kjo mund t´ju çojë në bela". Rregull numër tre: "Nëse keni ndonjë problem me ndonjërën prej grave ose me ndonjë ndërmjetës mos hezito të kërkosh ndihmë nga policia. Ne e dimë mirë se përse keni ardhur, gjë që nuk na çudit më ne."

Bordellet janë të ligjshme në Hollandë, dhe prostitucioni nuk ka qenë ndaluar ndonjëherë.

Policia u ofron ndihmën e saj edhe thithësve të hashashit - meqënëse kjo drogë lejohet për të gjithë ata që janë mbi 18 vjec. Midis këshillave që u jepet atyre është: " kur ndjehesh keq pij shumë ujë me sheqer".

Policia gjithashtu ka gjetur një mënyrë për tu ardhur në ndihmë atyre që i vjedhin telefonin celular duke e bombarduar telefonin me mesazhe SMS ku shkruhet "Ky telefon është i vjedhur. Blerja apo shitja e këtij telefoni merret si krim. Ju përshendet policia". Ky mesazh dërgohet në mënyrë automatike çdo tre minuta dhe ka për qëllim "të mërzisë vjedhësin dhe të mos lejojë përdorimin e këtij aparati".

Por policia nuk është gjithnjë kaq e gjindshme. Ata që gërthasin e ulërijnë rrugëve në mbrëmje rrezikojnë të paguajnë gjoba prej 70 dollarësh amerikanë. Edhe pirja e alkoholit në rrugë është e ndaluar dhe gjoba për këtë është 35 dollarë. Ai që bën rrugës ujin e hollë gjobitet me 45 dollarë. Por në këtë rast policia tregohet përsëri e gjindshme duke u ofruar atyre që po u shpëton urina nëpër rrugët e Amsterdamit të shkojnë për të urinuar falas në ndonjërin prej stacioneve policore të qytetit.