Ajo është një lëndë - mund të jetë vitaminë ose e ngjashme me të - që është e pranishme në çdo qelizë të trupit të njeriut që përveç të tjerash mundëson qelizat të marrin frymë.

Trupi i njerëzve që merren me punë që kërkojnë lëvizje të shpeshta apo shtrydhje koke ka një nevojë më të madhe për koenzimën Q10, sidomos ata që i kanë kaluar të 35 vjetët. Por njerëzit që ndjehen të shëndetshëm nuk kanë përse të marrin ekstra Q10.
Të shtyrë nga qëllime tregtie, disa shoqëri i bëjnë kësaj koenzime reklamë të madhe duke u përpjekur tu mbushin mendjen njerëzve se kanë nevojë për këtë koenzimë, dhe duke u ofruar atyre ndonjë produkti të posaçëm e të shtrenjtë që përmban koenzimën Q10.

Në të vërtetë Q10-ta është pranishme në sasi të vogla në një numër të madh ushqimesh por përqëndrimin më të madh e gjejmë në organet mishtore si zemra, mëlçia dhe veshkat por edhe në tule, vaj luledielli, sardele, skumbri, kikirikë.
450 gram sardele, poashtu si 900 gram tul, poashtu si 1 kg e 350 g kikirikë japin 30 mg koenzimë Q10 (CoQ10).

Mungesa e theksuar e Q10 në trup çon me të vërtetë në sëmundje dhe kjo vlen si për njerëzit ashtu edhe për kafshët.
Studimet për kuptimin më të mirë të rolit të kësaj koenzime sidomos tek sëmundjet e zemrës janë në vazhdim e sipër.

Pastë dhëmbësh me Q10

Një ndër prodhimet më të fundit ku Q10 është e pranishme në sasi të larta është edhe një pastë dhëmbësh e quajtur Zymbion dhe e patentuar në Danimarkë.
Kjo pastë thuhet të forcojë dhëmbët dhe ta mbajë të freskët mishin e tyre. Ajo rrit vlerën e koenzimës Q10 në atë nivel që gjendet tek xhepat e mishit të dhëmbëve të shëndoshë. Nga ana e saj Q10 forcon florën bakteriale natyrore dhe mbrojtëse të gojës.

Përgatiti Alvin Ekmekçiu
Burimet: International Q10 association, Zymbion.
Vë re! Respekto punën tonë ! Mos përdor shkrimet e kësaj reviste pa lejen tonë dhe pa vënë në dukje se puna e kujt është !