Menyra e perdorimit. Zakonisht pihet ne forme cigaresh, purosh e me cibuk. Nganjëherë me thithje nga hunda (sniffed - tobacco snuff) ose duke e përtypur (chewed tobacco).

Perdorimi ligjor.
Nuk ka kufizime ligjore ne perdoruesit e duhanit. Shitja e tij, megjithate, eshte e ndaluar per personat mbi 16 vjec, ose duhet ndaluar ne vendet ku mungon legjislacioni per kete problem.

Camcakeze me perberje nikotine ose ne forme plasteri te ngjitur ne lekure (nicotine patches) mund te jepen per periudha te shkurta se bashku me terapi ne modifikimin e sjelljes per te ndihmuar ata qe duan te lene duhanin.

Nikotina gjithashtu perdoret dhe si insekticid (eshte nje helm shume i fuqishem) .

Efektet afatshkurtra.
Nikotina stimulon sistemin nervor simpatik. Në përdoruesit e rregullt të duhanit, rrit përqendrimin, liron tensionin dhe lodhjen e kundërshton mërzitjen e monotoninë. Këto efekte kanë jetë të shkurtër, pra kemi inkurajim të përdorimit frekuent. Në efektet fizike futen, ngushtimi i enëve të gjakut, rritja e ritmit të zemrës e të presionit të gjakut dhe reduktim në sasinë e urinës. Përdoruesit për herë të parë shpesh kanë marrje mendësh e ndjenjë të vjellash, disa dhe mund të vjellin.

Efektet afatgjata.
Nikotina e marrë rregullisht mund të shkaktojë një rritje të acideve yndyrore në gjak. Ky efekt, kombinuar me efektin e saj në ritmin e zemrës (rritjen) dhe ngushtimin e enëve të gjakut, mund të rrise gjasën për sëmundje të zemrës si dhe ato të qarkullimit; përfshirë anginën, presion të lartë të gjakut, sëmundje vaskulare periferale, hemorragji cerebrale e trombozë koronare. Gjithashtu efektet e saj stimulatore sjellin mbiprodhim të acidit të stomakut, duke kultivuar kështu një terren për ulcera peptike.

Rreziqe të tjera të mirënjohura nga pirja e duhanit si: probleme gjatë shtatzanisë e kancere të gojës, fytit e mushkërive, mund të jenë si pasojë e përbërësve të tjerë të dëmshëm që ka duhani. Besohet se kimikati i cili shkakton kancer që gjindet në duhan është benzo (a) pyrene diol epoxide.

Shenjat e abuzimit.
Pirësit e rregullt të duhanit shpesh kanë një si ngjyrë të verdhë në gishta e dhëmbë si dhe erë të keqe nga goja. Era e duhanit mund të ngelet dhe në flokë apo në rroba. Kolla e duhanxhiut ose "mosngopja me frymë" janë shenjat e hershme të dëmtimit të mushkërive apo të zemrës.

Bashkeveprimi.
Pirja e duhanit ul përqendrimet në gjak të barnave të ndryshme. Këto barna përfshijnë benzodiazepinat, antidepresantet triciklike, teofilinen, propranolol, heparine dhe kafeine. Diabetikëve mund t'u duhen doza më të rritura insuline. Rreziqet mjekësore të marrjes së kontraceptivëve orale rriten nga pirja e duhanit.

Keshilla praktike :
^ Mos filloni duhanin; Nikotina eshte TEPER adiktive.
^ Nese jeni pires i Duhanit, lere sa me pare dhe ne qoftese nuk keni AKOMA efekte te pakendeshme.
^ Kerko keshilla e mbeshtetje nga Doktori i familjes.
^ Kontakto me te tjere persona ose grupe te cilat ndihmojne njerezit te lene duhanin.

*shenim. Sot po punohet per nje vaksine per efektet e nikotines, kujt i intereson sesi po behet nje gje e tille - te rikthehet tek Kokaina - pasi aty kam pershkruar dicka te tille. Parimi per te dyja vaksinat eshte pak a shume i njejte. Theksojme qe vaksina per Kokainen eshte ne stade me te avancuara.

Përgatiti për Rruzullin Dr. Lec Shiroka
Kirug i traumës
Vë re! Respekto punën tonë ! Mos përdor shkrimet e kësaj reviste pa lejen tonë dhe pa vënë në dukje se puna e kujt është ! Kirug i traumës