Në librin e tij të ri "Koha e makinerive me shpirt" ("The Age of Spiritual Machines") ai tregon me hollësi sesi njeriu dalëngadalë nuk do të jetë më qendra e inteligjentës në Botë. Teknollogjitë po zhvillohen me një shpejtësi të madhe dhe në qindvjeçarin që po hyn ky zhvillim do të ketë ritmin e dhjetë qindvjeçarëve së bashku. Deri pak para vitit 2099 njeriu do të arrijë të ketë në dorë mjete që do të jenë të afta të skanojnë trurin e njeriut. Çdo lidhje nervore, çdo lëndë themelore, çdo nyje, çdo hollësi mbi qelizat. Pastaj me të dhënat e marra njeriu do të jetë në gjendje riprodhojë trurin në neurone kompjuterike, në një kompjuter që do të ketë hapësirën e nevojshme dhe aftësinë për të krijuar një kopje të përsosur të mendimeve tona, përfshirë këtu kujtesën dhe aftësinë e trurit.
Skanimi i trurit do të mund të bëhej i mundur nëpëmjet dërgimit në tru të miljardave skanërve tepër të vegjël të ashtuquajtur Nanorobotë me përmasat e një qelize gjaku.

Duke përshkruar rrugën tashmë të filluar drejt inteligjencës artificiale ai tregon se si në të ardhmen chips-at kompjuterikë do të zëvendësojnë organet e trupit të njeriut. Që tani është mundur të krijohen chips-e të tillë që u mundësojnë të verbërve të shohin konture sendesh.

Nga ana tjetër inteligjenca njerëzore do të kthehej në një farë Sipërinteligjencë me ndihmën e një inteligjence teknike që do vendosej në trurin e njeriut. Mendja njerëzore do të mundet të jetojë më tej në kompjuter.
Kështu njeriu me ndihmën e kompjuterit do të bëhej i pavdekshëm.
Nëse trupin e njeriut do ta quanim Hardware (pjesa e fortë, apo kafazi) dhe mendimet Software (pjesa e butë, apo e brendshmja), kur njeriu do të vdiste dhe kafazi trupor do të prishej kështu, e brendshmja nuk do të merrte fund me të sepse do të ishte e ruajtur në një kompjuter.

Mbetet e pasqaruar çështja se çfarë do të ndodhë me ndjenjat tona.

Lidhje mbi temën: