 Feng shui do të thotë erë dhe ujë dhe është një fushë dijesh 5 000 vjet e lashtë që ka të bëjë me ndjekjen e shembullit të harmonisë dhe barazpeshës së natyrës.
- Përpara njerëzit studjonin mbi se si natyra merr formën e saj, si rriten pemët dhe ku e ka burimin lumi dhe ndërtonin të frymëzuar nga këto gjëra. Ndërsa sot bëhet e kundërta, thotë suedezja Ann-Brott Huss që është këshilltare në atë lloj orenditje që ka feng shui-n për specialitet.
Ajo kishte punuar me orenditje për 20 vjet të tëra deri kur lexoi një libër mbi feng shui.
- Atëherë kuptova përse më është dashur gjithnjë të zhvendos sende dhe orendi sa herë që kam buajtur në ndonjë dhomë hoteli dhe përse kam orenditur ashtu si kam orenditur në banesën time, thotë Ann-Brott Huss.
Drejtimi perëndimor i feng shui-t quhet shkolla e formës, ku ngjyrat, forma dhe materiali janë në barazpeshë.
Asnjë gjë nuk duhet të mbizotërojë. Ndonjëherë mungon vetëm ndonjë ngjyrë apo material për të sjellur një ndjenjë harmonie në dhomë. Qëllimi është të krijohet një banesë e gjallë ku të jetë e mundur që të gjitha hapësirat dhe sipërfaqet të vihen në përdorim.
Një parim është ai sipas të cilit orenditë që njeriu përdor për tu ulur në to nuk duhet të vendosen në atë mënyrë që kurrizi të jetë i kthyer ndaj hyrjes për në dhomë:
- Atëherë njeriu nuk ndjehet i mbrojtur. Njeriu duhet të ndjehet i sigurtë brenda banesës së tij, thotë Ann-Britt Huss.
Ajo është e mendimit se shumë të rinj kanë banesa të vështira. Këto përmbajnë shpesh orendi prej hekuri apo me cepa të mprehtë dhe në to gatuhet rrallë.
Çfarë nuk shkon në këtë dhomë gjumi: ngjyra e kaltër është mbizotëruese, radioja me orë zgjimi krijon fusha elektromagnetike, ndërsa cepi i shtratit nga ana ku shtrihen këmbët është në të njëjtën vijë me derën.
|
Dhoma e fjetjes.
Dhoma e fjetjes është një dhomë e një rëndësie të veçantë pasiqë është vendi i rimarrjes së vetes. Shtrati duhet vendosur larg derës por në atë mënyrë që kjo të mund të shihet prej andej pasi që kjo gjë të bën të ndjehesh i sigurtë.
- Ngjyrat e buta të pastelit janë zbutëse dhe qetësuese. Nuk duhet harruar së përdoruri këto ngjyra edhe në dhomën e fjetjes të fëmijëve, bashkë me format e rrumbullakta.
Është me rëndësi edhe ajo pamje e parë që njeriu sheh sapo hap sytë në mëngjes. Rrëmuja të bën të mendosh "obobo sa shumë punë që më pret".
- Nëse pamja e parë është diçka e bukur atëherë të vjen dëshira për tu çuar, thotë Ann-Britt Huss.
Tani shtrati është i vendosur në mënyrë të tillë që të duket më tepër joshës. Lulet e gjelbërta i japim dhomës njëfarë ngrohtësie, poashtu si edhe rrahjet e verdhëta.
|
Pajisjet elektrike si kompjuteri, televizori apo edhe radioja me orë zgjimi nuk duhet të vendosen në dhomën e gjumit. Këto krijojnë fusha elektromagnetike që pengojnë në rimarrjen e vetes.
Është mirë të ketë dy nga secili lloj sendesh zbukurimi: një shandan i vetëm përcjell vetminë tek ne, ndërsa dy të tilla nxisin çiftëzimin.
Ann-Britt Huss këshillon leximin e librit "Të ndjehesh mirë me feng shui" të Lam Kam Chuen.
Përgatiti
Alvin Ekmekçiu
Burimi : suedezja TT Spektra
Vë re! Respekto punën tonë ! Mos përdor shkrimet e kësaj reviste pa lejen tonë dhe pa vënë në dukje se puna e kujt është !
|
