Shėndeti: Ushqimi ndikon në tru
Data e botimit: Friday, 12 May 2000
Lėnda: Truri
|
Qelizat e trurit marrin e japin njëra-tjetrës një det me molekula (neuropërcjellës) të ardhura nga aminoacidet, pra proteinat.
Falë këtij veprimi të kryer nga një sasi tepër e madhe neuronesh (qelizat e sistemit nervor), të dhënat përhapen në rajone të ndryshme të trurit duke i dhënë atij mundësinë të kryejë funksione të ndryshme si rregullimin e gjendjes shpirtërore, agresivitetit, dhimbjes, gjumit, kujtesës, urisë, temperaturës së trupit.
Kështu pra përbërja e ushqimit që hamë mund të ndikojë në mënyrë efektive në këto funksione duke modifikuar formacionin e neuoropërcjellësve.
Formacioni i të paktën katër llojeve neuoropërcjellësish (serotonina, katekolamina, acetilokolina, histamina dhe glicina) mund të ndikohet nga sasia e disa aminoacideve (si triptofani, tirozina, serina, histidina, treonina) që gjenden brenda ushqimit.
Nga serotonina varen në parim funksjone si ai i gjendjes shpirtërore (po edhe qarqe si ai i gjum - pagjumësisë, dhimbjes, agresivitetit), nga acetilokolina varet kujtesa, nga katekolamina varet kontrolli i trysnisë së gjakut.
Duke qenë se ushqimi përmban shumë aminoacide është e vështirë të dihet me saktësi se çfarë ushqimesh të sjellin p.sh. në një gjendje të mirë shpirtërore.
Por për të mos vuajtur nga pagjumësia netëve nuk është mirë të hahet mish ose ushqime të pasura në proteina. Më mirë do të ishte të hahej ndonjë karamele, ndonjë lugë mjaltë apo pak sheqer të përzier në ndonjë lëng të ngrohtë apo ndonjë copë ëmbëlsirë. Këto janë ushqime që përmbajnë karbohidrate dhe shumë pak proteina.
Hekuri që gjendet brenda ushqimeve jo vetëm ndikon në përmirësimin e kujtesës por edhe në aftësinë për të mësuar. Janë para së gjithash vajzat dhe gratë që janë në mosha të përshtashme për të lindur fëmijë ato që kanë nevojë për hekur. Mishi, peshku, veza janë ushqime nga të cilat organizmi e ka të lehtë të marrë hekurin.
Për të qenë i kthjellët nga trutë ndihmojnë disa yndyrna si ato që gjenden tek vaji i ullirit, vaji i peshkut etj.
Ndërsa yndyrnat që rrjedhin prej djathit dhe mishit të kafshëve mund të japin efektin e kundërt. Të njëjtin efekt negativ jep edhe përdorimi i shumtë i vajrave si të misrit dhe lulediellit pasi përmbajnë acidin linoleik.
Përgatiti Alvin Ekmekçiu - Burimi: Corriere della Sera
Vë re! Respekto punën tonë ! Mos përdor shkrimet e kësaj reviste pa lejen tonë dhe pa vënë në dukje se puna e kujt është !
|
|
| |
| Vlerėso shkrimin | Nota mesatare: 4.48
Votues: 54
| |
|
