Njeriu modern që në fillim zotëronte po të njëjtat mjete që përdornin edhe llojet e tjera të njerëzve arriti që brenda një kohe njëzet herë më të shkurtër të përhapej jo vetëm në Amerikën e Veriut dhe të Jugut por edhe në Australi, dhe në secilin prej ishujve të vegjël të Oqeanit Paqësor.

Të nisesh për diku pa ditur se kjo diku me të vërtetë egziston do të thotë të jesh kokëshkretë. Dhe kjo gjë përbën një ndryshim tepër të madh në sjellje që dallon njeriun modern nga qeniet e tjera të ngjashme me njeriun.
"Kurse tani ne do të udhëtojmë për në Mars. Kështu ne nuk ngopemi kurrë" thotë Pääbo.

Studimet e Svante Pääbo kanë treguar se njeriu modern dhe ai neandertal kanë pasur paraardhës të njëjtë rreth 600 000 vjet më parë. Ndërsa para rreth 5 miljonë vjetësh njeriu modern ka pasur paraardhës të njëjtë me shimpanzenë.