Sa më e lartë të jetë frekuenca aq më e qartë e pa dridhje është figura, aq më shumë mund t'i kursesh sytë e tu.

Një frekuencë e ulët e ekranit mund të jetë arsyeja e lodhjes së syve duke qëndruar për një kohë të gjatë përpara tij apo shkaku që sytë të kërruhen.
Por arësyeja mund të jetë edhe tjetër.
Ekrani i kompjuterit lëshon rrezatime dhe shkarkime elektrike që mund të të sjellin dëm në mënyra të ndërlikuara. Në këtë rast ndryshimi i frekuencës së ekranit ndihmon pak, por do t'ju këshilloja të blinit një lloj mbrojtësje ndaj rrezatimit e cila i "vishet" ekranit (bëhet fjalë për një pajisje të thjeshtë por me një xham special kundër rrezatimit dhe me një përcjellës të shkarkimeve e cila kushton rreth 50 euro).
Mua më ka dhënë rezultate të kënaqshme.

Tani të kthehemi tek NVRefreshTool. Është vënë re që programet operative Windows 2000/WinXP e sjellin në 60 Hz frekuencën e kompjuterit tënd edhe kur je duke luajtur një lojë në kompjuter ndonëse ti mund ta kesh rritur këtë frekuencë më parë.
NVRefreshTool arrin të gjejë frekuëncën më të mirë të kompjuterit tënd dhe ta ruajë atë edhe gjatë lojës.

Ky program që në këtë kohë që shkruaj ka mbërritur në versionin 2.1a mund të shkarkohet falas prej kësaj faqeje:
MajorGeeks

Shko poshtë, në të djathtë, aty ku thotë Download From, dhe zgjidh njërën prej lidhjeve (p.sh. Planet Mirror). Shkarkimi duhet të fillojë automatikisht me hapjen e faqes së re, nëse jo kliko aty ku thotë "Click here if it does not" tek faqja që u hap.
Pastaj ekzekuto programin e shkarkuar i cili nga ana e tij kujdeset për të gjithë punën. Ti shtyp vetëm Apply dhe ndiz kompjuterin nga e para në mënyrë që të gjejnë vend ndryshimet.
Pas ndezjes do të të duhet të bësh sinkronizosh në mënyrë manuale figurën që të mbushë ekranin e kompjuterit tënd. Këtë gjë mund ta bësh me butonat që ndodhen në pjesën përpara-poshtë të ekranit.