Rruzull.net - Marrëdhëniet NATO-Bashkim Europian.

Veç kësaj, BE vendosi të krijonte struktura të përhershme politike dhe ushtarake, duke përfshirë një Komitet Politik dhe të Sigurisë, një Komitet Ushtarak dhe një Staf Ushtarak, për të siguruar udhëzimin e duhur politik dhe drejtimin strategjik të operacioneve të tilla. BE gjithashtu vendosi të zhvillonte aranzhmane për konsultim të plotë, për bashkëpunim dhe transparencë me NATO-n dhe për të siguruar dialogun e domosdoshëm, konsultimin dhe
bashkëpunimin me anëtarët evropianë të NATO-s që nuk janë anëtarë të BE-së mbi çështje që lidhen me sigurinë evropiane dhe politikën e mbrojtjes dhe menaxhimin e krizës.

Dialogu midis Aleancës dhe Bashkësisë Evropiane po intensifikohet gjithnjë e më shumë në përputhje me vendimet e marra në Takimet e Uashingtonit dhe mëpastaj, edhe në dritën e zhvillimeve në BE. Takimet e Këshillit të Evropës në Nicë dhe të Këshillit të Atlantikut të Veriut në Bruksel në dhjetor të vitit 2000 shënuan progres të mëtejshëm. Ministrat e Jashtëm të Aleancës u shprehën se ndanin synimin e përfillur nga shtetet anëtare të BE-së për një partneritet të vërtetë në menaxhimin e krizës midis NATO-s dheBE-së. Që të dy organizatat u pajtuan se konsultimet dhe bashkëpunimi do të zhvilloheshin midis tyre rreth çështjeve të interesit të përbashkët që lidheshin me sigurinë, mbrojtjen dhe menaxhimin e krizës, ashtu që kriza të mund të përballet me përgjigjen më të duhur ushtarake dhe që të sigurohet menaxhimi efektiv i krizës.

Në bazë të takimeve të dhjetorit të vitit 2000 ndodhi një këmbim letrash në janar të vitit 2001 midis Sekretarit të Përgjithshëm dhe Presidencës Suedeze të BE-së, rreth mbajtjes së takimeve të përbashkëta në nivel Ambasadorësh dhe në nivel Ministrash. Aranzhmani parasheh së paku tri takime në nivel Ministror për çdo gjashtë muaj (d.m.th. gjatë çdo Presidence të BE-së).

Ndërkaq të dy organizatat angazhohen t’i ngrinin konsultimet në kohë krize.

Kështu takimet e rregullta të Komitetit Politik dhe të Sigurisë të BE-së dhe të Këshillit të Atlantikut të Veriut tani mbahen dhe të dy organizatat me të shpejt po lëvizin nga teoria e ESDI/ESDP te konsultimi dhe bashkëpunimi rreth çështjeve konkrete topikale, siç është situata në Ballkanin Perëndimor.

Që nga mesi i vitit 2000, Grupe Punuese AD Hok të përziera NATO-BE janë takuar për të diskutuar çështje të sigurisë (për shembull, procedurat për këmbimin e informimit të klasifikuar, duke përfshirë atë të shërbimeve të inteligjencës); modalitetet për qasjen e BE-së tek pasuritë dhe aftësitë e Aleancës; synimet e aftësive (duke përfshirë çështje që lidhen me sistemin e planifikimit të mbrojtjes të Aleancës); dhe aranzhmanet e konsultimit të përhershëm, duke marrë parasysh të gjithë faktorët relevantë përfshirë ata që lidhen me pjesëmarrjen. Në pranverë të vitit 2001, Sekretari i Përgjithshëm i NATO-s u ftua për herë të parë për të njoftuar në pika të shkurtra Këshillin e Punëve të Përgjithshme të BE-së rreth politikës së NATO-s.

Në verë të vitit 2000, NATO dhe Sekretariati i Këshillit të BE-së themeluan një marrëveshje të përkohshme të sigurisë midis dy organizatave që udhëhiqte këmbimin e informacionit të klasifikuar. Që të dy organizatat po punojnë drejt konkludimit të një marrëveshjeje të përhershme të sigurisë midis NATO-s dhe BE-së.

Gjatë gjysmës së dytë të vitit 2000, ekspertët e Aleancës i dhanë kontribut me këshilla ushtarake dhe teknike punës së ekspertëve të BE-së rreth themelimit të një katalogu të forcave dhe të aftësive për Qëllimin Ballor të BE-së, në përgatitje të Konferencës së Angazhimit të Aftësive të BE-së të mbajtur në nëntor të vitit 2000. Në takimin e tyre në dhjetor të vitit 2000, Ministrat e Jashtëm të Aleancës shprehën gatishmërinë e NATO-s për të ofruar këshilla të mëtejshme ekspertësh sipas kërkesës së BE-së, varësisht nga vendimet e duhura.

Brenda NATO-s vazhdon puna rreth çështjeve kryesore që përballen me zhvillimin e ESDI-së, veçanërisht rreth identifikimit të një game të tërë opsionesh komanduese evropiane; rreth presupozimit të disponueshmërisë të pasurive dhe aftësive të paraidentifikuara; rreth qasjes së siguruar tek aftësitë planifikuese operacionale të NATO-s; dhe rreth adaptimit të planifikimit të mbrojtjes të Aleancës.

Marion Gajda
student i shkencave politike
Parma Itali