Një murgeshë katolike që lutet nuk ka ndonjë ndryshim nga një murg budist që mediton

Tek ky përfundim kanë arritur studiesit Andrew Newberg dhe Eugene d´Aquili të Universitetit të Pensylvania-s duke nxjerrur një libër të tyrin mbi këtë studim i cili quhet "Përse Zoti nuk do të ikë".
Newberg thotë "Truri njerëzor është i ndërtuar në atë mënyrë që të nxisë besimin fetar". Rrjeti i trurit, detyrat që u janë dhënë neuroneve si dhe mënyra e tyre e lidhjes përbëjnë një mjedis të përsosur për të lejuar "ndjesi fetare" dhe për sa kohë truri njerëzor do të ketë këto tipare "Zoti nuk do të ikë".

Studiuesit thonë se edhe ritet fetare qofshin edhe në formën e kërcimeve arrijnë në po të njëjtën mënyrë si edhe lutja të sjellin ndjenja kthjelltësie apo humbje mendjeje. Ata nuk duan të shkojnë deri aty sa të thonë se ndjesitë fetare nuk janë gjë tjetër veç se një krijim i neuroneve, por thonë se nuk ka shumë ndryshim - në këndvështrimin trunor - midis një ndjenje shpirtërore (fetare) dhe një ndjenje tjetër të zakonshme si ç´mund të ishte frika.
Sidoqoftë lind pyetja se kush ka qenë ky programues që e ka programuar trurin në këtë mënyrë.

Newberg dhe d´Aquili kanë përdorur për studimin e tyre një mjet, Spect-in, që bën të mundur marrjen e pamjeve mbi veprimtarinë trunore duke e lidhur këtë mjet në sistemin trunor të njerëzve që merren me veprimtari fetare.