Rruzull.net është një revistë edukative rrjeti dhe funksionon në bazë të:
 
- së drejtës së shfrytëzimit të materialit publik 
- së drejtës së përdorimit të pranueshëm të materialit (fair use) me të drejta të autorit të mbrojtura, që lejon përdorimin e pjesshëm të materialit duke përmendur burimet (emrat dhe datat) si dhe përkthimet apo shqipërimet për përdorim për qëllime edukative (jokomerciale) dhe për t'ia shfaqur një publiku që përndryshe nuk ka mundësi të njihet me to në gjuhën e tij amtare
- së drejtës së përmbledhjes së disa materialeve apo një shkrimi
- në shkrime origjinale të mirëfillta shkencore.

Në rastin e përdorimit të pranueshëm të materialit (fair use) me të drejta të autorit të mbrojtura, ajo që është fair use për Rruzullin mund të mos jetë e tillë është për atë që kopjon shkrimin e Rruzullit për qëllime komerciale. 

Në rastin  e përmbledhjes së disa materialeve apo të përmbledhjes së një materiali në atë mënyrë që fokusi të vihet mbi diçka tjetër në ndryshim nga fokusi i materialit parësor, është krijuar një material i ri nga ana ligjore të drejtat e plota të së cilit i përkasin Rruzullit. Në këtë mënyrë edhe mbi termat e Enciklopedisë së Rruzullit, meqënëse janë të thurura në bazë të shkrimeve të Rruzullit, mbështetur në një numër të shumtë burimesh dhe shmangen fokusi kryesor i burimit parësor, Rruzull.net gëzon të drejtat e plota të autorësisë së tekstit (jo figurave). 

Figurat dhe fotografitë që nuk janë nën zotërim publik, d.m.th. me të drejta të autorit të ruajtura, janë përdorur nga Rruzull.net nën fair use për qëllime edukative (jokomerciale), dhe nuk do të thotë se janë fair use për të tjerët që i kopjojnë këto nga Rruzulli.

Shkrimet e revistës së rrjetit Rruzull.net si dhe termat e Enciklopedisë së Rruzullit lejohen të kopjohen në tërësi për përdorim privat (jofitimprurës) edukativ, p.sh. në kompjuterin tënd (por nuk lejohen të shpërndahen apo shiten përmes mediave).
 

Nuk lejohet përdorimi i shkrimeve të plota apo termave të Enciklopedisë të revistës së rrjetit Rruzull.net për qëllime komerciale (fitimprurëse) dhe kjo jo vetëm përse një pjesë e madhe e materialit të Rruzullit është fair use për Rruzullin por jo për mediat komerciale. Një rast i tillë është ai i përkthimeve për përdorim me qëllime mësimore, ndonëse të drejtat e përkthimit i mbesin Rruzullit, këtij nuk i përkasin të drejtat e vetë materialit, prandaj ky nuk lejohet të kopjohet për t'u botuar për qëllime komerciale pa marrë së pari lejen nga burimi parësor e pastaj nga Rruzulli.

Për të mos u shpërdoruar në këtë mënyrë dhe për të mos i rënë vlera e eksluzivitetit të shkrimeve nuk lejohet as kopjimi i plotë i tyre për t'u botuar diku tjetër (qoftë internet, radiotransmetuar etj.) përveç rasteve të veçanta kur është arritur marrëveshje mbi këtë me Rruzull.net.

Përdorimi i materialit të Rruzullit jashtë kushteve të mëposhtme nga mediat komerciale, është shkelje e ligjit mbi të drejtat e autorit dhe konsiderohet si vjedhje e materialit. Ato media që kryejnë këtë nuk janë të denja të ruajnë rolin e tyre.

Mediat komerciale (gazetat, revistat, radiot etj.) mund të përdorin shkrimet e plota të revistës Rruzull, ato për të cilat Rruzull.net gëzon të drejtat e plota të autorësisë,  vetëm përkundrejt një pagese me marrëveshje. Bëhet fjalë për shkrimet origjinale të mirëfillta shkencore, shkrime të bazuara në burime të ndryshme dhe përmbledhje e një shkrimi me një fokus të ndryshëm nga fokusi themelor i shkrimit origjinal si dhe termat e Enciklopedisë së Rruzullit.

Për rastet e përkthimeve apo shqipërimeve që Rruzull.net i ka bërë nën fair use, mediat komerciale duhet më parë të kërkojnë lejen e burimit fillestar e pastaj të blejnë përkthimin e Rruzullit, mbi të cilin Rruzull.net gëzon të drejtat e plota të autorësisë.

Mediat mund të zgjedhin t'ia blejnë Rruzullit të drejtën e plotë të një shkrimi, për rastet kur Rruzulli e gëzon këtë të drejtë, (askush tjetër të mos ketë të drejtë ta përdorë) apo vetëm të drejtën për ta botuar shkrimin në fjalë në median e tyre (media të tjera mund të përdorin të njëjtin shkrim pas një marrëveshje me Rruzull.net)
Mediat komerciale mund të porosisin shkrime mbi tema të caktuara nga Rruzull.net përkundrejt një pagese me marrëveshje.

Rruzull.net përdor materiale kryesisht në gjuhët gjermane, suedeze, angleze, italiane.

Shkrimet e revistës Rruzull janë të një niveli të lartë, jo vetëm sepse zgjidhen burime të besueshme dhe material me brum por edhe në vetë gjuhën e pasur shqipe të përdorur në to.
Për këtë janë vlerësuar shumë edhe nga lexuesit e vizitorët e faqeve të revistës.

Kufizimet janë kryesisht të diktuara nga respektimi i të drejtave të autorit dhe nga ajo që kërkohet shumë punë, mund dhe kohë për të mbajtur revistën Rruzull.net në një nivel të lartë. Puna përmblidhet në:
- zgjedhjen e temave
- gjetjen e burimeve
- shqipërimin, hulumtimet në fjalorë, përmbledhjen
- punimin me figurat
- përgatitjen e kodeve html
- botimin e shkrimit në rrjet, kategorizimin
- shpjegimin e termave në Enciklopedinë e Rruzull.net, pasurimi e termave ekzistuese me të dhëna të reja.
 - pasurimin e fjalorëve të Rruzullit, si të atij Gjermanisht-Shqip, përshtatjen për modulin e fjalorit përmes kodifikimit dhe hedhjen në internet 
- mirëmbajtjen e faqeve; përshtatjen e ngjyrave, punimin me banner'a dhe logo, hedhjen e versioneve të reja të sistemit PHPNuke, rregullimin e funksioneve që nuk punojnë
- mirëmbajtje e Kuvendit të Rruzull.net; mbikëqyrjen e Kuvendit
- leximin e letrave të lexuesve dhe përgjigjen e tyre në rastet kur kërkohet.

Menjëfjalë, gjëja e parë që kërkojmë është respektimi i kësaj pune dhe të tjerët të mos përfitojnë me të padrejtë në kurrizin tonë duke kopjuar punën tonë dhe paraqitur si të veten.
Kopjimi i plotë i shkrimeve të revistës dhe vendosja e tyre në faqe të tjera të internetit do të humbte ekskluzivitetin e këtyre shkrimeve, pra puna jonë do të shkelej me këmbë.
Për të stimuluar punën tonë dhe çuarjen përpara të revistës, është vënë në veprim sistemi i shitjeve të shkrimeve, ato mbi të cilat Rruzull.net gëzon të drejtën e plotë të autorësisë.