Rruzulli është revistë rrjeti dhe mund të lexohet në adresën: www.rruzull.net, (jo më rruzull.com).

Kjo revistë nuk botohet në letër. Revista është e llojit të hapur për të gjithë, ku njerëzit nuk kanë nevojë për të paguar për të lexuar shkrimet qe botohen tek ajo.

Po shikohen mundësitë e botimit të revistët edhe në letër.

Revista Rruzull ka filluar të botohet në rrjet në Mars të vitit 2000.

Ka pasur një periudhë mungese disamujore, nga Korriku 2002 për tu shfaqur përsëri në Janar 2003.

Rruzull.net është një revistë interneti që ka për qëllim të njohë lexuesin shqiptar me disa nga dijet më të fundit të fushave të ndryshme.
Dijet sillen në formën e përfundimeve të studimeve të bëra, fakteve apo teorive.
Pasi e vërteta nuk shfaqet asnjëherë në formë të prerë, mund të qëllojë që tek Rruzulli të dalin dy shkrime kundërvënëse.
Në fund i takon gjithnjë lexuesit që të gjykojë vetë.

Rruzull.net është një revistë edukative rrjeti dhe funksionon në bazë të së drejtës së shfrytëzimit të përdorimit të materialit publik; përdorimit të pranueshëm të materialit (fair use) me të drejta të autorit të mbrojtura, që lejon përdorimin e pjesshëm të materialit duke përmendur burimet (emrat dhe datat) si dhe përkthimet apo shqipërimet për përdorim për qëllime edukative (jokomerciale) dhe për t'ia shfaqur një publiku që përndryshe nuk ka mundësi të njihet me to në gjuhën e tij amtare; në përmbledhjen e disa materialeve apo një shkrimi dhe në shkrime origjinale të mirëfillta shkencore.

Në rastin e përdorimit të pranueshëm të materialit (fair use) me të drejta të autorit të mbrojtura, ajo që është fair use për Rruzullin mund të mos jetë e tillë është për atë që kopjon shkrimin e Rruzullit për qëllime komerciale. Një rast i tillë është ai i përkthimeve për përdorim me qëllime mësimore, ndonëse të drejtat e përkthimit i mbesin Rruzullit, këtij nuk i përkasin të drejtat e vetë materialit, prandaj ky nuk lejohet të kopjohet për t'u botuar për qëllime komerciale pa marrë së pari lejen nga burimi parësor e pastaj nga Rruzulli.

Në rastin  përmbledhjes së disa materialeve apo të përmbledhjes së një materiali në atë mënyrë që fokusi të vihet mbi diçka tjetër në ndryshim nga fokusi i materialit parësor, është krijuar një material i ri nga ana ligjore të drejtat e plota të së cilit i përkasin Rruzullit.

Figurat dhe fotografitë që nuk janë nën zotërim publik, apo kur autori ka tërhequr mbrapsht të drejtat e autorësisë, d.m.th. figurat me të drejta të autorit të ruajtura, janë përdorur nga Rruzull.net nën fair use për qëllime edukative, dhe nuk do të thotë se janë fair use për të tjerët që i kopjojnë këto nga Rruzulli.

Një nga mënyrat e kontaktit me Rruzull.net është përmes lënies së Përshtypjeve (nën Njësitë në të majtë të faqes). Aty mund të lexoni edhe përgjigjen tonë ndaj ndonjë pyetje apo vërejtje tuajën.

Në rast se kërkoni një komunikim jo publik mund të përdorni formën 'Na shkruani' e vendosur po në të njëjtin bllok.

Njeriu nuk duhet asnjëherë të besojë kryekëput në atë që lexon në media, qoftë të jenë këto me famë botërore.
Mediat tregojnë gjithnjë këndvështrimin e tyre të një problemi.
Rruzull.net është një revistë që sjell faktet dhe teoritë më të fundit nga fushat e dijes, mbështetur në medie të tjera relativisht të besueshme.
E vërteta e plotë është gjithnjë e vështirë të zbulohet por njeriu i afrohet asaj gjithnjë e më tepër me anë të fakteve dhe teorive bindëse. Qasja drejt së vërtetës mund të bëhet nga këndvështrime të ndryshme, ndonjëherë edhe kundërvënëse.
Pikërisht revista Rruzull përpiqet të sjellë qasje të ndryshme drejt kësaj të vërtete.
Lexuesi duhet të gjykojë gjithnjë vetë.

Shkrimet që botohen tek revista Rruzull janë të mbështetura në studime te verteta që botohen në medie të huaja të mirënjohura.
Nëse duhet besuar në to apo jo lexo nën pyetjen tjetër: A duhet të besoj në atë që shkruhet tek revista Rruzull ?

Kushdo që mund të përgatisë një shkrim në përputhje me karakterin e revistës Rruzull.net dhe që vullnetarisht don ta ndajë atë me lexuesit e Rruzullit duke e dërguar për botim në internet tek kjo revistë. Shkrimi duhet të jetë sa më i kuptueshëm në shqip duke iu përmbajtur burimeve të tij, të cilat duhet të jenë të besueshme dhe duhen përmendur.

Edhe përmbledhjet e shkrimeve të mediave shqiptare, që i përputhen karakterit të revistës Rruzull (p.sh. që kanë të bëjnë me arkeologji, histori, gjuhësi etj) janë të mirëpritura. (Kujdes: Jo kopjimi i shkrimit në tërësi, por përmbledhja e tij).

Të drejtat e shkrimit i njihen dhe i mbesin atij që e ka përgatitur, i cili nga ana e tij, në cilëndo pikë kohore mund të zgjedhë t'i heqë shkrimet e veta nga Rruzull.net.

Revista është ide dhe nismë e Alvin Ekmekçiut dhe botohet në rrjet, mirëmbahet dhe redaktohet po nga ky. Mirëpo janë të shumtë ata që kanë marrë pjesë aktive në ngritjen, mirëmbajtjen, funksionimin dhe pasurimin e revistës.


Kështu për rubrikën Pyet Mjekun kanë qenë përgjegjës mjekët Lec Shiroka dhe Dritan Poçi.


Shkrime për revistën kanë përgatitur gjatë historisë së saj përveç Alvin Ekmekçiut edhe mjeku kirurg Lec Shiroka, mjeku kardiolog dr. Dritan Poçi, inxh. Saimir Lolja, Irma Raçi, Xhavit Muslija, Eridjan Leskaj, Arben Faber, Imelda Ekmekçiu, inxh. Parid Alimhillaj, Erjus Mezini, Marion Gajda, Albinot Maloku, Brunilda Noka, Ukshin Zajmi.


Me ndërtimin e paraqitjes së revistës përveç Alvin Ekmekçiut gjatë historisë së revistës kanë punuar apo ndimuar edhe Laurent Dhima i Alblinux.net dhe Gjergj Dollani.


Revista mbështetet nga Shqipëria.com.


Banner'i i ri i revistës është punuar nga Alvin Ekmekçiu. Banner'i i mëparshëm ka qenë punuar nga Femi Hasani i Vision.to, dhe modifikuar më pas nga Alvin Ekmekçiu.
Nuk duhen lënë pa u përmendur këtu të gjithë anëtarët që përmes opcioneve të ndryshme marrin pjesë aktive në këtë revistën Rruzull.

Revista Rruzull strehohet nën Shqiperia.com.

Për rubrikën Pyet Mjekun janë përgjegjës mjeku kardiolog z.Dritan Poçi dhe mjeku kirurg z.Lec Shiroka.
Fatkeqësisht kjo rubrikë është pezulluar për shkak të pamundësisë së mjekëve për të gjetur kohë të lirë për t'iu përgjigjur pyetjeve të shumta të lexuesve dhe për shkak të abuzimeve.

Rruzull - është fjala shqip për një trup të rrumbullakët gjeometrik që është në lëvizje.

Këtë banner të revistës Rruzull të punuar nga Alvin Ekmekçiu mund ta shkarkosh prej këtu:
http://www.rruzull.net/themes/Sand_Journey/images/rruzull.jpg