[Nga vispot < IE *wik^ah2- + *-pot- = i pari i fisit, fshatit; krahas. dhespot]

fe
1.(Në monoteizëm sidomos në Krishterim) Qenia më e lartë e mbinatyrshme, që si Krijues është shkaku i të gjitha ndodhive natyrore, që drejton fatin e njerëzve, është gjyqtar i sjelljes morale të tyre dhe shpengues i tyre; perëndi.

Filozofët grekë arsyetonin mbi se cilat janë bazamenti dhe zanafilla e realitetit. Materia apo shpirti - apo një sintezë dualiste e të dyjave. Aristoteles (Aristoteli) fliste mbi një zot. "Zoti", thonte ai "është fillimi i lëvizjes, ai është lëvizësi i palëvizshëm". Krishterimi e çon më tej dhe e zbukuron këtë tezë.

"Realitet është, ajo që e matshme është", sipas Max Planck (Maks Plank). Dhe Zoti nuk është i matshëm.

Epilepsia e kores tëmthore të trurit jep një efekt të pazakonshëm anësor. Tek disa pacientë ajo shkreh halucinacione fetare duke i bërë njerëzit të mendojnë p.sh. se kanë vdekur apo kanë sjellë në jetë Krishtin. Eksperimentet tregojnë se njerëzit me këtë lloj epilepsie reagojnë me më të madhe ndaj fjalëve fetare, ndërkohë që njerëzit normalë ndaj fjalëve seksuale.

Edhe fanepsja e profetëve dhe apostujve mund të ketë qenë shkrehur nga kjo sëmundje. Mos vallë Pali (Paulus) dhe Musai (Moses) vuanin nga epilepsia e lobit tëmthor ?

Në një ekperiment tjetër me një  makinë e cila nxit koren tëmthore të trurit (lobin temporal) nëpërmjet impulsesh elektromagnetike personit në testim i fashohen sytë, pastaj i vihet në kokë një kaskë motori e modifikuar me 8 bobina magnetike. Nga dhoma ngjitur mundet të ndryshohen fushat magnetike. 80 përqind të pjesëmarrësve u duket sikur është dikush aty në dhomë me ta, ndonëse janë krejt vetëm. Besimtarët e interpretojnë këtë ndjenjë si të ishte Zoti.

Kjo i bën dijetarët të mendojnë se mos Zoti ndoshta është vetëm një shpikje e trurit tonë.

Njeriut i jipet përshtypja e të qenurit më pranë Zotit përgjatë lutjes, kur kjo arrin kulmin e saj. Lindja e kësaj përshtypjeje favorizohet nga ulja e aktivitetit në tru në zonën që rregullon orientimin.
Sidoqoftë lind pyetja se kush ka qenë ky programues që e ka programuar trurin në këtë mënyrë.

Si zoti i të krishterëve ashtu edhe Allahu është krijuesi i gjithçkaje, që ka krijuar Botën në gjashtë ditë.

Sipas Dhiatës së vjetër Zoti krijoi Evën (apo Havanë) nga një brinjë e Adamit dhe i vuri të dy në kopshtin e quajtur Eden (njëfarë parajse mbi tokë).

Për myslimanët Muhamedi është profeti i fundit nga të gjithë ata që ka dërguar dikur Zoti.

Shih:

Enciklopedi shqip e Rruzull.net

Copyright © by Rruzull.net. Të gjitha të drejtat të rezervuara © nga Rruzull.net - (987 herë lexuar)