 Korrupsion ka patur gjithmonë. Ekspertët që merren me studimin e korrupsionit thonë se është pothuajse e pamundur të eliminosh grykësinë që është motivi kryesor i shumë aktiviteteve kriminale. Por ka strategji të tjera të efektshme për të luftuar korrupsionin si në vende të mëdha edhe në vende të vogla, në vende të pasura e të varfëra. Një prej formave është debati i hapur rreth korrupsionit.
Ekspertët thonë se kostoja e korrupsionit arrin në 1 trilion dollarë në vit. Nancy Boswell e organizatës Transparency International thotë se kjo është vetëm maja e ajzbergut. ?Dhe kjo nuk përfshin përvetësim fondesh. Nuk përfshin forma tët tjera korrupsioni që e keqësojnë problemin. Nuk përfshin urat, rrugët që mbeten pa u ndërtuar, projektet që ndërtohen në kurriz të arsimit, kujdesit shëndetësor dhe shërbimeve të tjera bazë.?
çdo vit, Transparency International boton një listë vendesh se si banorët e perceptojnë integritetin e qeverisë. Shumica e vendeve marrin nën 5 pikë, nga 10 të mundshmet.
Nga Angola, në Ekuador e deri në Azerbaixhan indeksi tregon një lidhje të drejtëpërdrejtë të korrupsionit me varfërinë. ?Në vendet e pasura me naftë dhe burime të tjera, ka ende varfëri të madhe dhe këto vende janë në fund të listës.?
Peter Voicke, ish-Zëvendëspresidenti Ekzekutiv i Korporatës Financiare Ndërkombëtare, IFC-së, thotë se korrupsioni, i cili nxitet edhe nga burokracia dhe nga rregullat e shumta që vendosin qeveritë, shton koston e zhvillimin të biznesit. "Nëse nevojiten, të themi 50 leje për të hapur një binzes, njerëzit joshen nga ideja për t?u paguar rryshfet zyrtarëve që i japin këto leje, në mënyrë që t?i sigurojnë ato."
Në dhjetor të vitit 2003, Kombet e Bashkuara miratuan një protokoll kundër korrupsionit. Ky është ligji i parë ndërkombëtar për t?i konsideruar këto shkelje si krime dhe për t?i ndëshkuar personat përgjegjës.
Vendet e zhytura në korrupsion e kanë të vështirë të jenë të hapura. Në këto vende, nxjerrja e zyrtarëve para drejtësisë është një proces i gjatë drejt pastrimit të sistemit dhe rivendosjes së ndjenjës së krenarisë kombëtare.
Burimet:
Korrupsioni dhe kostoja e tij /ZA
Peter Voicke: Burokracia dhe rregullat e shumta nxisin korrupsionin/ZA
|
